भरत मोहोळकर, मुंबई : राष्ट्रवादी काँग्रेसमध्ये फूट पडून अजित पवार आणि शरद पवार असे दोन गट पडले. त्यानंतर अजित पवार यांनी बारामती लोकसभा मतदारसंघावर दावा सांगितला. एकीकडे या जागेवरून गेली तीन टर्म यशस्वीरित्या खासदार म्हणून काम करणाऱ्या त्यांच्याच भगिनी सुप्रिया सुळे असताना अजितदादांनी या मतदारसंघावर दावा सांगून आगामी काळातल्या संघर्षाचे इरादा स्पष्ट केले. अशातच आज मंत्रालयासमोर लागलेल्या एका बॅनरने अजित पवार यांच्या गोटात बारामतीच्या जागेवरून काय प्लॅनिंग सुरू आहे, याची प्रचिती आली.
राष्ट्रवादीत फूट पडल्यानंतर अजित पवार गट विरुद्ध शरद पवार गट आमने- सामने आले आहेत. त्यातच रायगड जिल्ह्यातील कर्जत येथे झालेल्या शिबिरात अजित पवार यांनी बारामतीसह चार मतदार संघावर दावा सांगितला होता. त्यामुळे बारामतीत सुप्रिया सुळे यांच्याविरोधात कोण? अशी चर्चा सुरू झाली होती. त्यापार्श्वभूमीवर अजित पवार गटाच्या ईशान्य मुंबई जिल्हा निरीक्षक आणि माजी नगरसेविका प्रतीक्षा राजू घुगे यांनी मंत्रालय परिसरात बॅनर लावून सुनेत्रा पवार यांचा उल्लेख बारामती लोकसभा भावी खासदार असा केला आहे. त्यामुळे बारामतीत नणंद भावजय सामना होण्याची शक्यता वर्तवली जात आहे.
राष्ट्रवादीत फूट पडल्यानंतर अजित पवार गट विरुद्ध शरद पवार गट आमने- सामने आले आहेत. त्यातच रायगड जिल्ह्यातील कर्जत येथे झालेल्या शिबिरात अजित पवार यांनी बारामतीसह चार मतदार संघावर दावा सांगितला होता. त्यामुळे बारामतीत सुप्रिया सुळे यांच्याविरोधात कोण? अशी चर्चा सुरू झाली होती. त्यापार्श्वभूमीवर अजित पवार गटाच्या ईशान्य मुंबई जिल्हा निरीक्षक आणि माजी नगरसेविका प्रतीक्षा राजू घुगे यांनी मंत्रालय परिसरात बॅनर लावून सुनेत्रा पवार यांचा उल्लेख बारामती लोकसभा भावी खासदार असा केला आहे. त्यामुळे बारामतीत नणंद भावजय सामना होण्याची शक्यता वर्तवली जात आहे.
आत्या विरुद्ध भाचा संघर्ष पेटणार? बारामतीत सुप्रिया सुळेंविरोधात कोण? अजित पवारांच्या घोषणेनंतर खळबळ
हर्षवर्धन पाटील म्हणतात…
माजी मंत्री आणि भाजप नेते हर्षवर्धन पाटील यांच्या पत्नी बारामती लोकसभेसाठी इच्छुक असल्याची माहिती आहे. मात्र अजित पवार यांनी बारामती लोकसभा मतदारसंघावर दावा सांगितल्याने हर्षवर्धन पाटील यांच्या भूमिकेकडे लक्ष लागले होते. पण हर्षवर्धन पाटील यांनी बारामती लोकसभा मतदारसंघातून कोण लढणार? याविषयी अजून काहीही चर्चा झाली नसल्याचे म्हटले आहे. याविषयी पक्षाच्या वरिष्ठ स्तरावर निर्णय होईल, असंही हर्षवर्धन पाटील यांनी सांगितले आहे.
लोकसभा मतदारसंघाचा पीपीटी सादर, आढावा घेतला, चाचपणीला सुरूवात, दादांच्या दाव्यानंतर पवारांचा शड्डू ठोकला
सुप्रिया सुळे यांची बारामतीतून हॅट्रिक, यंदा चौकार मारणार?
बारामती लोकसभा मतदार संघ हा शरद पवार यांचा बालेकिल्ला म्हणून ओळखला जातो. आधी शरद पवार या भागाचे प्रतिनिधित्व करत होते. मात्र २००९ नंतर सुप्रिया सुळे या बारामतीचे प्रतिनिधित्व करीत आहेत. २००९ साली त्यांनी अगदी आरामात विजय मिळवून लोकसभेत एन्ट्री केली. २०१४ च्या लोकसभा निवडणुकीत महादेव जानकर यांनी सुप्रिया सुळे यांच्याविरोधात जोरदार लढत दिली. तर २०१९ मध्ये आमदार राहुल कुल यांच्या पत्नी कांचन कुल यांना निवडणुकीच्या रिंगणात उतरवून भाजपने रंगत आणली. सरतेशेवटी सुप्रिया सुळे यांनी जवळपास ६० हजार मतांनी त्यांचा पराभव केला.
परंतु आता राष्ट्रवादी काँग्रेस पक्षात फूट पडली आहे. त्यातच पवार घराण्यात बारामतीवरून संघर्षाची चिन्ह आहेत. त्यामुळे सुप्रिया सुळे विरुद्ध सुनेत्रा पवार संघर्ष झाल्यास कोण बाजी मारणार? हे पाहणे महत्त्वाचं ठरणार आहे.