पोलिसांच्या माहितीनुसार, मराठवाडा व राजस्थानातील काही महिला व पुरुष प्रत्येक महाशिवपुराण कथेच्या ठिकाणी जातात. तिथे सोनसाखळी चोरण्यासाठी ते रात्रंदिवस बस्तान मांडतात.

सकाळी भाविकांची गर्दी झाल्यास प्रवेशद्वारासह रांगेत शिरून धक्काबुक्कीत हळूच ब्लेड फिरवून अलगद सोनसाखळी काढून घेतात.

काही महिला किंवा अल्पवयीन मुली पदर अथवा रूमाल झटकण्याचा बहाणा करून महिलांचे लक्ष विचलित करून सोनसाखळी कापतात.

भजन सुरू असताना व कथा संपल्यानंतर होणाऱ्या गर्दीचा गैरफायदा या टोळ्या घेत असल्याचे समोर येत आहे.

– दोन महिला संशयित ताब्यात
– अल्पवयीन मुलांचाही सहभाग
– मराठवाडा, राजस्थानातील संशयित
– दोन स्वतंत्र टोळ्यांचा सहभाग
– एक महिला संशयिताची काही दिवसांपूर्वी प्रसूती; नोटीस देत सोडले
– संशयित महिला पाल्यांसह गर्दीत

कथेच्या पहिल्या दिवशी सोनसाखळी चोऱ्या अधिक होत्या. चोरीच्या पद्धतीचा अभ्यास केल्यावर संशयितांवर पाळत ठेवत ताब्यात घेतले. त्यानुसार बंदोबस्तात बदल केल्यावर चोऱ्यांचे प्रमाण घटले. मराठवाड्यासह राजस्थानातील संशयितांचा सहभाग उघड झाला आहे.- मोनिका राऊत, पोलिस उपायुक्त, झोन-२