प्रेमवर हा हल्ला कुत्रा किंवा अन्य वन्य प्राण्याने केल्याची शक्यता पालकांना वाटल्यामुळे त्यांनी याबाबत कुठेही वाच्यता केली नाही. मात्र त्यानंतर तारापूर व आसपासच्या परिसरात बिबट्याचा वावर असल्याची बातमी समोर आल्यानंतर वनविभागाला याबाबत माहिती देण्यात आली. प्रेमवर झालेल्या जखमांचा अभ्यास करून हा हल्ला बिबट्याने केला असल्याची शक्यता उपचार करणारे डॉक्टर व वनविभागाच्या अधिकाऱ्यांनी व्यक्त केली आहे.

बिबट्याने लहान मुलावर हल्ला केल्याची घटना समोर आल्यानंतर आता बोईसर वनपरीक्षेत्र कार्यालयातील अधिकारी व कर्मचारी, डहाणू वनविभाग, डहाणूचे वन्यजीव बचाव पथक आणि तारापूर पोलिसांनी बिबट्याचा शोध घेण्यासाठी शोध मोहीम सुरू केली आहे. बिबट्याने लहान मुलावर हल्ला केल्याने व परिसरात बिबट्याचा वावर असल्याची घटना समोर आल्यानंतर परिसरातील नागरिकांमध्ये भीतीचे वातावरण पसरले आहे.

Read Latest Maharashtra News And Marathi News