यावेळी कर्मचाऱ्यांचा मोबाइल तपासला असता त्यामध्ये दुसरे आक्षेपार्ह फोटो आढळून आले. यामुळे विद्यार्थ्यांमध्ये भीतीचे वातावरण होते. हॉटेलमधील खोल्या अस्वच्छ होत्या. त्यातून कुबट दुर्गंधी येत होती. बेडवरील चादरीवर रक्ताचे डाग असल्याने विद्यार्थिनींनी अशा खोल्यांमध्ये राहण्यास नकार दिला होता, असेही प्राध्यापकांनी स्पष्ट केले. खोल्या अस्वच्छ असल्याने विद्यार्थींनींनी खोल्यांसमोरील मोकळ्या जागेत झोपण्याचा निर्णय घेतला. यासाठी गाद्यांची मागणी करण्यात आली. तीदेखील पूर्ण झाली नाही. यामुळे रात्रभर विद्यार्थिनी बसून होत्या.

विशेष म्हणजे, दौऱ्यासाठी जम्मू आणि काश्मीर सरकारने पावणे पाच कोटींचा खर्च केला आहे. अन्य शहरांच्या तुलनेत मुंबईतील अनुभव भयावह होता, असे ही विद्यार्थिनींनी सांगितले. या घटनेची गंभीर दखल घेतली असून, चौकशी सुरू करण्यात आली आहे. कंत्राटदारासह दोषी रेल्वे अधिकाऱ्यांवरही कठोर कारवाई करण्यात येणार आहे, असे आयआरसीटीसी अध्यक्ष आणि व्यवस्थापकीय संचालक (अतिरिक्त कार्यभार) सीमा कुमार यांनी सांगितले. हॉटेलमधील गैरसोई पाहिल्यानंतर विद्यार्थिनीनी रेटिंग देण्यास सुरुवात केली. यावेळी ‘याच हॉटेलमध्ये गेल्या एप्रिलमध्ये मुंबई पोलिसांनी हायप्रोफाइल सेक्स रॅकेटचा पर्दाफाश केला’, अशी माहिती त्यांच्यासमोर आली. त्यानंतर विद्यार्थिनींनी हॉटेलमधील खोल्यांमध्ये राहण्यास ठाम नकार दिला.