सांगली शहरात दुपारी दोन वाजण्याच्या सुमारास ढग दाटून आले. अचानक विजांच्या कडकडाटासह पावसाने सुरवात केली. सुमारे अर्धातास पडलेल्या पावसाने शहरात पाणीच पाणी झाले होते. अचानक आलेल्या पावसाने शेतकरी हवालदिल झाला आहे. मात्र, अचानक पडलेल्या पावसामुळे मात्र द्राक्ष उत्पादक शेतकरी पुरता संकटात सापडला आहे.
भुजबळ तुम्ही राजीनामा द्या, मग बोला, राधाकृष्ण विखे पाटील यांच्याकडून घरचा आहेर
आज सांगली शहरासह जिल्ह्यातील तासगाव, कवठेमहांकाळ, आटपाडी, मिरज , इस्लामपूर, शिराळा या तालुक्यातही मुसळधार पाऊस झाला आहे. रब्बी पिकांसाठी जरी हा पाऊस लाभदायक असला तरी, सुरु असलेल्या भात काढणीसाठी हा पाऊस नुकसानीचा आहे. शिवाय द्राक्ष पट्ट्यातील शेतकऱ्यांना उरात अगदी धडकी भरवणाराच आहे. कारण आता द्राक्ष पीक तयार होण्याच्या स्थितीत असल्यामुळे हे द्राक्ष मणी जर पावसाच्या माऱ्याने फुटले तर घडकुजीचा फटका जिल्ह्यातील द्राक्ष उत्पादक शेतकऱ्यांना मोठ्या प्रमाणावर बसणार आहे. फ्लॉवरिंग मध्ये असलेले द्राक्ष पिकांचे मोठे नुकसान अगोदरच झाले आहे. फ्लॉवरिंग स्टेज असताना झाले होते. आता त्या बागा कशा बशा शेतकऱ्यांनी वाचवल्या होत्या, त्यांचे मोठे नुकसान या अवकाळी पावसाने झाले आहे.
ऋतुराजची बॅट तळपली; ७ षटकार आणि १३ चौकारांसह झळकावले वादळी शतक, टीम इंडियाचे ऑस्ट्रेलियाला इतक्या धावांचे टार्गेट
त्यामुळे शासनाने लवकरात लवकर यावर विचार करून नुकसान भरपाईचे पंचनामे करावेत अशी मागणी आता जोर धरू लागली आहे. द्राक्षे आणि बेदाणे हे हमखास परकीय चलन मिळवून देणारे पीक असल्यामुळे सरकारने शेतकऱ्यांच्या या आजच्या परिस्थितीचा गांभीर्याने विचार करुन त्यांना त्वरित मदत द्यावी अन्यथा आंदोलनाचा इशारा यावेळी शेतकऱ्यांनी दिला.
मोठी बातमी, उत्तरकाशी बोगद्यातील ४१ कामगारांची सुटका, बचावकार्य मोहीम यशस्वी, विदेशी तज्ज्ञाचं सहकार्य
Read Latest Maharashtra News And Marathi News