इससे पुराणा हिसाब बाकी है, अस म्हणत रिक्षातून उतरलेल्या टोळक्याने लाकडी दांडक्यासह चाकूने हल्ला चढविला. तर अन्य तिघांनी लाथा बुक्क्यांनी चारही आईसक्रीमवाल्यांना चांगलेच बकलून काढले. आईसक्रीमवाल्यांनी या हल्ल्याला विरोध करण्याचा प्रयत्न केला. मात्र हल्लेखोर सशस्त्र असल्याने त्यांच्यापुढे आईसक्रीमवाल्यांची डाळ शिजली नाही. त्यानंतर हल्लेखोरांनी रिक्षातून पळ काढला. हा सारा प्रकार परिसरात लावलेल्या सीसीटिव्ही कॅमेऱ्यात कैद झाला आहे.

एकीकडे पोलिसांनी फुटेज ताब्यात घेऊन हल्लेखोरांचा शोध सुरू केला आहे. तर दुसरीकडे केडीएमसीचा वाहन चालक विनोद लकेश्री याच्यावर झालेल्या जीवघेण्या हल्ल्याची घटना ताजी असतानाच आईसक्रीमवाल्यांवर देखिल अशाच पद्धतीने हल्ला झाल्याने सुशिक्षितांची सांस्कृतिक नगरी म्हणून म्हणून बिरुदावली मिरविणाऱ्या डोंबिवलीत अराजगता माजल्याचे दिसून येते.