बुलढाणा जिल्ह्यात सुमारे ३४ हजार हेक्टर क्षेत्रावरील पिकांना नैसर्गिक संकटाचा तडाखा बसला. नाशिक जिल्ह्यात सुमारे ३० हजार हेक्टर पिकांचे अवकाळी पाऊस आणि गारपिटीने नुकसान केले आहे. नगर जिल्ह्यात सुमारे पंधरा हजार हेक्टरवरील पिके बाधित झाली आहेत. या दोन्ही जिल्ह्यात द्राक्षासारख्या व्यापारी पिकांना मोठा फटका बसल्याचे निदर्शनास येत आहे.

पुणे जिल्ह्यात सुमारे साडेतीन हजार हेक्टर, धुळे जिल्ह्यात जवळपास साडेचार हजार तर नंदुरबार जिल्ह्यात दोन हजार हेक्टरवरील पिकांचे नुकसान झाले. ठाणे, पालघर, जळगाव, सातारा, जालना, संभाजीनगर, बीड, परभणी, हिंगोली या जिल्ह्यांतील पिकांनाही नैसर्गिक आपत्तीचा तडाखा बसल्याचा प्राथमिक अंदाज कृषी विभागाच्या अधिकाऱ्यांकडून व्यक्त केला जात आहे.