लगेच पोलिसांनी दोघांना ताब्यात घेऊन वेल्डिंग केलेल्या कप्प्यातून एक-एक करत रॉकेट देशी दारूचे ३१ बॉक्स, इंपेरियल ब्लुचे ४ बॉक्स, हायवॉर्डस ५००० चे ३ बॉक्स, ट्यु बर्ग स्ट्रॉंग बियरचे २ बॉक्स असे तब्बल ३ लाख २६ हजार रुपयांची दारू आणि ४ लाख ५० हजार रुपये किमतीचे वाहन असे एकूण ७ लाख ७६ हजार रुपयांचा मुद्देमाल पोलिसांनी जप्त केला आहे. सोबतच चंद्रपूर येथील दोन आरोपींना ताब्यात घेतले असून एक आरोपी फरार असल्याची माहिती मुलचेरा पोलिसांनी दिली आहे. ही कारवाई ठाणेदार अशोक भापकर आणि त्यांच्या चमुनी केली आहे.

विशेष म्हणजे गडचिरोली जिल्ह्यात दारूबंदी असतानाही बाहेर राज्यातून, जिल्ह्यातून मोठ्या प्रमाणात अवैध दारू पुरवठा केली जात आहे. त्यासाठी विविध शक्कल लढवत असल्याचा प्रकार दिसून आला आहे. पहाटेच्या सुमारास पोलीस नसतात आणि असलेतरी चारचाकी वाहन खाली असल्याचे दिसले की सोडून देतात असा अति आत्मविश्वास करून चारचाकी वाहनात कप्पे तयार करून दारू तस्करी केली जात असताना मुलचेरा पोलिसांनी अवैध दारू तस्करीचा गोरखधंदा हाणून पाडला. दारू तस्करी विरोधात पोलिसांनी मोहीम सतत सुरू ठेवली असली तरी तस्कर वेगवेगळ्या युक्त्या वापरून जिल्ह्यात दारू पुरवठा करत असल्याने पोलीसांनीही आपलं धाडसत्र वेगवान केलं आहे. त्यामुळेच दारू तस्करांच्या वेगवेगळ्या युक्त्या समोर येत आहेत.