गेल्या वर्षी दमानिया यांनी खासदार सुप्रिया सुळेंमार्फत या प्रकरणात मध्यस्थीचा प्रयत्न केला. आम्हीही त्यास सकारात्मक प्रतिसाद दिला. क्लाऊड फर्नांडिस यांच्या निधनामुळे सुरुवातीलाच या कुटुंबाला ५० लाखांचा धनादेश विनाअट दिला. त्यांनी तो स्वीकारला, परंतु वटविला नाही. सुळेंच्या मध्यस्थीमुळे आम्ही सर्व अटी-शर्ती बाजूला ठेवल्या. मोबदला देणे आमची जबाबदारी नसतानाही तो देण्याची तयारी दर्शविली. यापुढे न्यायालय जो निकाल देईल तो मान्य असेल, असे भुजबळांनी स्पष्ट केले.

…म्हणून भुजबळ आक्रमक

दोन महिन्यांपासून मनोज जरांगे छगन भुजबळांवर सातत्याने टीका करीत होते. परंतु, वाद नको म्हणून आम्ही शांत होतो. आमचा संबंध नसतानाही टीका सुरूच राहिली. बीडमध्ये जाळपोळ व तोडफोडीचे प्रकार सुरू झाल्याने छगन भुजबळ आक्रमक झाल्याचे समीर भुजबळ यांनी स्पष्ट केले.