म. टा. खास प्रतिनिधी, नाशिक : मस्ती करतो म्हणून पाच वर्षीय बालकाला लाथाबुक्क्यांनी मारहाण करीत हातावर गरम तवा ठेऊन त्याला जीवघेण्या वेदना दिल्याचा संतापजनक प्रकार शहरात घडला आहे. धक्कादायक म्हणजे मावशी आणि काकानेच हे कृत्य केले असून, चाइल्डलाइनच्या अधिकाऱ्यांनी या दाम्पत्याविरोधात पोलिसांत फिर्याद दिली आहे. शहरातील समतानगर परिसरात शुक्रवारी दुपारी हा संतापजनक प्रकार घडला.
आरती आणि विजय सदावर्ते असे गुन्हा दाखल झालेल्या दाम्पत्याचे नाव आहे. आगरटाकळी शिवारातील समतानगर येथील शैलेश पांडव किराणा दुकानासमोर हे दाम्पत्य राहाते. तपास अधिकारी संतोष गोसावी यांनी दिलेल्या माहितीनुसार, संशयित आरती यांच्या बहिणीची अलीकडेच प्रसूती झाली. तिचा पहिला मुलगा लहान असल्याने व दोन बाळांना सांभाळणे शक्य होणार नाही म्हणून तिच्या पाच वर्षीय मुलाला आरती स्वत:च्या घरी घेऊन आली. चार महिन्यांपासून ती मुलाचा सांभाळ करीत आहे. हा मुलगा मस्ती करतो म्हणून शुक्रवारी (दि. १७) दुपारी दोनच्या सुमारास आरती व विजय यांनी त्याला लाथाबुक्क्यांनी मारहाण केली. त्यानंतर त्याच्या तळहातावर गरम तव्याने चटके दिले.
आरती आणि विजय सदावर्ते असे गुन्हा दाखल झालेल्या दाम्पत्याचे नाव आहे. आगरटाकळी शिवारातील समतानगर येथील शैलेश पांडव किराणा दुकानासमोर हे दाम्पत्य राहाते. तपास अधिकारी संतोष गोसावी यांनी दिलेल्या माहितीनुसार, संशयित आरती यांच्या बहिणीची अलीकडेच प्रसूती झाली. तिचा पहिला मुलगा लहान असल्याने व दोन बाळांना सांभाळणे शक्य होणार नाही म्हणून तिच्या पाच वर्षीय मुलाला आरती स्वत:च्या घरी घेऊन आली. चार महिन्यांपासून ती मुलाचा सांभाळ करीत आहे. हा मुलगा मस्ती करतो म्हणून शुक्रवारी (दि. १७) दुपारी दोनच्या सुमारास आरती व विजय यांनी त्याला लाथाबुक्क्यांनी मारहाण केली. त्यानंतर त्याच्या तळहातावर गरम तव्याने चटके दिले.
या संतापजनक प्रकाराबाबत परिसरातील काही जागरूक नागरिकांनी चाइल्डलाइनला माहिती दिली. त्यानंतर लगेचच जिल्हा महिला व बालविकास अधिकारी कार्यालयातील अधिकाऱ्यांनी घटनास्थळी धाव घेऊन प्राप्त माहितीबाबत खातरजमा केली. संबंधित बालकाच्या हातावर चटके आढळून आल्याने चाइल्डलाइन सुपरवायझर सायली जयदीप चौधरी यांनी उपनगर पोलिस स्टेशनमध्ये या दाम्पत्याविरोधात फिर्याद दिली. त्यानुसार सदावर्ते दाम्पत्यावर अल्पवयीन मुलांची काळजी व संरक्षण कायद्यान्वये गुन्हा दाखल करण्यात आला आहे.
कुणी अंतिम मुदत दिली म्हणून न्यायव्यवस्था किंवा आयोग काम करत नसतो; राज्य मागासवर्ग आयोगाचा मनोज जरांगेंना टोला