जळगाव : दारुच्या नशेत मुलगा घरी येताना सोबत गावठी कट्टा घेऊन आला. काही अनुचित घटना घडू नये म्हणून, मुलाच्या आईने त्याच्याकडील गावठी कट्टा हिसकावण्याचा प्रयत्न केला असता, गावठी कट्ट्यातील गोळी सुटून मुलाच्या आईच्या हाताला लागल्याची घटना शनिवारी रात्री घडली. कलाबाई प्रकाश सोनवणे असं जखमी महिलेचं नाव आहे. कलाबाई यांना खासगी रुग्णालयात दाखल करण्यात आलं असून मनगटावर शस्त्रक्रिया करण्यात येऊन बंदुकीची गोळी काढण्यात आली. या प्रकरणी मुलाविरोधात शहर पोलीस ठाण्यात गुन्हा दाखल करण्यात आला असून पोलिसांनी त्याला अटक केली आहे.
जळगाव शहरातील शिवाजीनगर येथे कलाबाई सोनवणे या पती, दोन मुले, दोन सुनांसह राहतात. कलाबाई या जळगाव महापालिकेतून आरोग्य सेविका म्हणून निवृत्त झालेल्या आहेत. काल शनिवारी नोव्हेंबर रोजी रात्री साडेनऊ वाजेच्या सुमारास कलाबाई यांचा मोठा मुलगा रोहित हा मद्याच्या नशेत घराजवळ असताना गावठी कट्ट्यासह दिसला. मुलाच्या हातून अनुचित प्रकार घडू नये म्हणून कलाबाई यांनी मुलगा रोहित याच्या हातातून गावठी कट्टा हिसकावण्याचा प्रयत्न केला. कलाबाई व रोहित यांच्या झालेल्या झटापटीत कट्ट्यातून अचानक गोळी सुटली आणि ती कलाबाईच्या उजव्या हाताच्या मनगटाजवळ लागली. या घटनेत कलाबाई यांच्या हातातून प्रचंड रक्तस्त्राव होत असताना कलाबाई यांना त्यांच्या सुनेने तातडीने खासगी रुग्णालयात दाखल केले. या रुग्णालयात शस्त्रक्रिया करून कलाबाई यांच्या हातातील गोळी काढण्यात आली. सुदैवाने गोळी हाताला लागली म्हणून दुर्घटना टळली.
जळगाव शहरातील शिवाजीनगर येथे कलाबाई सोनवणे या पती, दोन मुले, दोन सुनांसह राहतात. कलाबाई या जळगाव महापालिकेतून आरोग्य सेविका म्हणून निवृत्त झालेल्या आहेत. काल शनिवारी नोव्हेंबर रोजी रात्री साडेनऊ वाजेच्या सुमारास कलाबाई यांचा मोठा मुलगा रोहित हा मद्याच्या नशेत घराजवळ असताना गावठी कट्ट्यासह दिसला. मुलाच्या हातून अनुचित प्रकार घडू नये म्हणून कलाबाई यांनी मुलगा रोहित याच्या हातातून गावठी कट्टा हिसकावण्याचा प्रयत्न केला. कलाबाई व रोहित यांच्या झालेल्या झटापटीत कट्ट्यातून अचानक गोळी सुटली आणि ती कलाबाईच्या उजव्या हाताच्या मनगटाजवळ लागली. या घटनेत कलाबाई यांच्या हातातून प्रचंड रक्तस्त्राव होत असताना कलाबाई यांना त्यांच्या सुनेने तातडीने खासगी रुग्णालयात दाखल केले. या रुग्णालयात शस्त्रक्रिया करून कलाबाई यांच्या हातातील गोळी काढण्यात आली. सुदैवाने गोळी हाताला लागली म्हणून दुर्घटना टळली.
दरम्यान, या घटनेप्रकरणी कलाबाई यांनी शहर पोलीस ठाण्यात तक्रार दिली आहे. या तक्रारीवरुन त्यावरून रोहित सोनवणेविरुद्ध गुन्हा दाखल करण्यात आला असून रोहित यास पोलिसांनी अटक केली आहे. त्याच्याकडील गावठी कट्टा सुध्दा पोलिसांनी जप्त केला आहे. पुढील तपास सहाय्यक पोलीस निरिक्षक किशोर पवार हे करीत आहेत. दरम्यान, रोहित याने गावठी कट्टा हा कुठून आणि नेमक्या कोणत्या कारणसाठी आणला? या गोष्टींचा पोलीस सखोल तपास करीत आहेत.
दादा गटातले आमदार नाराज, अमित शहांच्या भेटीतही चर्चा, ‘त्या’ आमदारांचा थेट भाजपमध्ये प्रवेश : रोहित पवार