प्रसूती विभाग नसल्याने तिला डफरीन रुग्णालयात हलविण्याच्या हालचाली सुरू होत्या. परंतु, परिचारिका सरोज कराळे आणि रूपाली राऊत यांनी या वॉर्डातच प्रसूतीचा निर्णय घेतला. बबलीने गोंडस बाळाला जन्म दिला. त्यानंतर एक महिना ती रुग्णालयातच दाखल होती. त्यामुळे अधिपरिचारिका मनीषा कांबळे, नंदा पाढेण यांनी बाळाच्या नामकरण सोहळ्यासाठी वॉर्डाची साजसज्जा केली. नावसुद्धा तुम्हीच ठेवा, असा आग्रह बबलीने केला. प्रसूती रूपाली यांनी केल्याने ‘रूपवीर’ नाव ठेवले. यावेळी सीएस डॉ. दिलीप सौंदळे सह अनेक डॉक्टर उपस्थित होते.

अनोळखी अपरिचित असलेली आदिवासी महिला बबली तिची प्रसूती करून संवेदनशीलतेचा परिषदेत डॉक्टरांनी केलेल्या कृतीचे सध्या पश्चिम विदर्भात जोरदार कौतुक होत आहे. त्यांच्या या कार्याला महाराष्ट्र टाईम्सचाही सलाम!!

याबाबत महाराष्ट्र टाईम सोबत बोलताना जिल्हा शल्य चिकित्सक डॉ. दिलीप सौंदळे म्हणाले की, ‘संबंधित महिला आदिवासी भागातून रुग्णालयात भरती झाली होती. बबली आणि तिची दोन्ही महिला सोबत कुणीही पुरुष नसताना आमच्या टीमने त्यांना एका कुटुंबाप्रमाणे सेवा दिली. त्यांच्या चेहऱ्यावरचा आनंद हा आम्हाला समाधान देणार आहोत. डॉक्टर या नात्याने आम्ही कायमच रुग्णांच्या सेवेत असतो’