म. टा. वृत्तसेवा, कल्याण: सोसायटीतील क्लब हाऊसच्या ‘प्लेझोन’मध्ये मित्रासोबत खेळत असलेला पाच वर्षांचा मुलगा प्लेझोनमधून खाली पडल्याने त्याचा जागीच मृत्यू झाल्याची धक्कादायक घटना घडली. ही दुर्दैवी घटना डोंबिवली मानपाडा परिसरातील रीजन्सी अनंतम सोसायटीत घडली आहे. सक्षम उंडे असे या पाच वर्षांच्या चिमुकल्याचं नाव आहे. याप्रकरणी डोंबिवली मानपाडा पोलिसांनी तपास सुरू केला आहे.
रीजन्सी अनंतम या सोसायटीत भरत उंडे हे आपल्या कुटुंबासह राहतात. त्यांना सक्षम हा पाच वर्षांचा एकुलता एक मुलगा होता. सोसायटीच्या आतील भागात मुलांच्या मनोरंजनासाठी प्ले झोन आहे. विविध प्रकारचे खेळ प्रकार येथे आहेत. संध्याकाळच्या वेळेत गृहसंकुलातील मुले येथे दररोज खेळण्यासाठी येतात.
रीजन्सी अनंतम या सोसायटीत भरत उंडे हे आपल्या कुटुंबासह राहतात. त्यांना सक्षम हा पाच वर्षांचा एकुलता एक मुलगा होता. सोसायटीच्या आतील भागात मुलांच्या मनोरंजनासाठी प्ले झोन आहे. विविध प्रकारचे खेळ प्रकार येथे आहेत. संध्याकाळच्या वेळेत गृहसंकुलातील मुले येथे दररोज खेळण्यासाठी येतात.
मंगळवारी सायंकाळी साडेपाच वाजण्याच्या सुमारास सक्षम हा मित्रासोबत कॉम्प्लेक्सच्या क्लब हाऊसमधील प्लेझोनमध्ये खेळण्यासाठी गेला होता. प्ले झोनमध्ये खेळत असताना, तो अचानक खाली पडला. क्लब हाऊसमध्ये काम करणाऱ्या कर्मचाऱ्यांनी तातडीने सक्षमला उचलून रुग्णालयात नेले. मात्र, तत्पूर्वीच त्याचा मृत्यू झाला होता. याप्रकरणी मानपाडा पोलिस ठाण्यात गुन्हा नोंद करण्यात आला असून, पोलिसांनी पुढील तपास सुरू केला आहे.
दागिने, लालसर केस अन् अर्थवट जळालेले कपडे, वडाळ्यातील त्या अज्ञात मृतदेहाची ओळख पटली, मग…
Read Latest Maharashtra News And Marathi News