पुणे: ससून सर्वोपचार रुग्णालयातील कैदी रुग्ण समितीचे अध्यक्ष डॉ. सुजित धिवारे यांनी हे पद नको असल्याचे पत्र अधिष्ठाता डॉ. संजीव ठाकूर यांना दिले आहे. त्यामुळे आता पुन्हा कैदी रुग्ण समितीची पुनर्रचना करावी लागणार आहे. या समितीची पुनर्रचना गेल्या महिन्यातच २६ सप्टेंबरला करण्यात आली होती. त्यामुळे ससून मधील कैदी रुग्ण समितीच्या पुनर्रचनेचा फेरा अजून काही दिवस सुरूच राहणार असल्याची स्थिती आहे.
आतापर्यंत कैदी रुग्ण समितीच्या अध्यक्षपदी रुग्णालयाच्या अधीक्षकांची नियुक्ती करण्यात येत होती. मात्र चालू वर्षात आतापर्यंत तीन अधीक्षक बदलण्यात आले आहे. समितीच्या अध्यपदाची जबाबदारी अधीक्षकांना न देता उपअधीक्षकांना देण्याचा निर्णय अधिष्ठाता डॉ. संजीव ठाकूर यांनी २६ सप्टेंबरला घेतला होता. त्यानुसार समितीच्या अध्यक्षपदी डॉ. धिवारे यांची नियुक्ती करण्यात आली होती. मात्र यानंतर २ ऑक्टोबरला अंमली पदार्थ तस्कर ललित पाटील ससून रुग्णालयातून पळून गेला.
आतापर्यंत कैदी रुग्ण समितीच्या अध्यक्षपदी रुग्णालयाच्या अधीक्षकांची नियुक्ती करण्यात येत होती. मात्र चालू वर्षात आतापर्यंत तीन अधीक्षक बदलण्यात आले आहे. समितीच्या अध्यपदाची जबाबदारी अधीक्षकांना न देता उपअधीक्षकांना देण्याचा निर्णय अधिष्ठाता डॉ. संजीव ठाकूर यांनी २६ सप्टेंबरला घेतला होता. त्यानुसार समितीच्या अध्यक्षपदी डॉ. धिवारे यांची नियुक्ती करण्यात आली होती. मात्र यानंतर २ ऑक्टोबरला अंमली पदार्थ तस्कर ललित पाटील ससून रुग्णालयातून पळून गेला.
यानंतर ललितची रुग्णालयात महिनोंमहिने बडदास्त ठेवण्यासाठी उपचारांचे कागदी घोडे नाचविण्यात आल्याचेही समोर आले आहे. ललित प्रमाणेच इतरही कैद्यांची रुग्णालयात बडदास्त ठेवण्यात येत असल्याचे दिसून असल्याने कैदी समितीच्या कामकाजावर प्रश्न चिन्ह निर्माण झाले आहे. त्यामुळे या समितीमध्ये काम करण्यास कोणी इच्छुक नसल्याची स्थिती आहे. डॉ. धिवारे यांनी दिलेल्या पत्रावर अद्याप अधिष्ठाता डॉ. संजीव ठाकूर यांनी निर्णय घेतलेला नाही, असे रुग्णालय प्रशासनाने सांगितले.
का होणार पुनर्रचना ?
समितीचे सध्याचे अध्यक्ष डॉ. धिवारे यांच्याकडे उअधीक्षक पदांचा कार्यभार आहे. तसेच त्यांच्याकडे रुग्णालयातील औषध विभागाचीही जबाबदारी आहे. रुग्णालयात उपचारांसाठी दाखल होणारे कैदी मेडिसीन, अस्थिरोग, सर्जरी, श्वसनरोग या विभागांमध्ये दाखल होण्याचे प्रमाण जास्त आहे. सध्याचे अध्यक्ष या विभागांमध्ये कार्यरत नाहीत. परिणामी कैद्याला दाखल आणि डिस्चार्ज देताना अडचणी निर्माण होत आहे. त्यामुळे मेडिसीन, अस्थिरोग, सर्जरी किंवा स्त्रीरोग या विभागामधील वरिष्ठ प्राध्यापकाची समितीच्या अध्यपदी नियुक्ती करण्यात येणार असल्याचे सूत्रांनी सांगितले.
हिंगणा तिहेरी हत्याकांड; राजू बिरहाच्या फाशीवर ३१ ऑक्टोबरला निर्णय होण्याची शक्यता, वाचा नेमकं प्रकरण
कैदी रुग्ण समितीचे अध्यक्षपदी वरिष्ठ प्राध्यापकांकडे सोपवावे, अशी मागणी मी अधिष्ठात्यांकडे केली आहे. वरिष्ठ प्राध्यापक हे तज्ज्ञ असल्याने रुग्ण उपचारांबाबत अधिक योग्य निर्णय घेऊ शकतात. माझ्याकडे उपअधीक्षक पदाचा कार्यभार असल्याने त्या जबाबदाऱ्याही पार पाडाव्या लागतात. त्यामुळे मला सदस्य म्हणून समितीत स्थान देण्याची मागणी केली आहे, असे कैदी रुग्ण समितीचे अध्यक्ष डॉ. सुजित धिवारे यांनी सांगितले.