या शिल्पाच्या निर्मिती प्रक्रियेबद्दल चित्र-शिल्पकार प्रमोद कांबळे यांनी ‘महाराष्ट्र टाइम्स’शी बोलताना सांगितले, ‘हे काम मला मिळाले, हेच मुळी स्वप्नवत होते. माझ्याकडे अयोध्येतील राम मंदिरातील काम सुरू होते, तर दुसरीकडे क्रिकेटच्या देवाचे काम हाती आले होते. सचिन यांच्याशी माझे २०१२ पासून संबंध आहेत. यानिमित्ताने त्यांच्याशी पुन्हा भेटीचा योग आला. त्यांचे बंधू अजित तेंडुलकर यांची सचिनच्या मूर्तीतील बारकावे साकारण्यासाठी मोठी मदत झाली. नगरच्या स्टुडिओमध्ये सुमारे आठ महिने हे काम सुरू होते. अजित काम पाहण्यासाठी नगरला आले होते. शिल्प तयार करण्यापूर्वी ते कसे असावे? विशेष म्हणजे यासाठी कोणती पोझ घ्यावी, यावर बरीच चर्चा झाली. यासाठी जुनी छायाचित्रे पाहण्यात आली. त्यातील षटाकार मारतानाची एक पोझ निश्चित झाली. शिल्प साकारताना सचिनची नजर, हेल्मेटवरील लोगो यासह सर्व बारकाव्यांवर खूप मेहनत घेतली. यासाठीही अजित यांचे मोलाचे सहकार्य लाभले. काम सुरेख व्हावे, यासाठी क्ले आणि काही साहित्य जपानहून मागविण्यात आले,’ असेही कांबळे यांनी सांगितले.
Israel-Hamas War: इस्त्रायलच्या कारवाईत ‘हमास’चा म्होरक्या ठार, गाझा पट्टीमध्ये सलग दुसऱ्या दिवशी कारवाई
आजवर अनेक कलाकृती साकारल्या. मात्र सचिनचा पुतळा साकारणे हे माझ्यासाठी स्वप्नवत होते. भारतरत्न वक्तीचे शिल्प साकारण्याची संधी नगरमधील माझ्यासारख्या कलाकाराला मिळाली, ही माझ्यासाठी सन्मानाचीच गोष्ट आहे.-प्रमोद कांबळे, चित्र-शिल्पकार