उदरनिर्वाहाचे कोणतेही साधन नसल्यामुळे जगणेही अवघड झाले होते. जलमंदिरसमोरील परिसरात ही वृद्धा नेहमी पाहायला मिळायची. बेबी उडुपी यांची ही अडचण ओळखून उदयनराजेंनी त्यांना नेहमीच मदतीचा आधार दिला. तिला शेवटच्या वृद्धापकाळात कोणत्याही गोष्टीची कमी पडू दिली नाही. बेबी या निधनापूर्वी काही दिवस आधी त्या जलमंदिर येथे उदयनराजे यांची भेट घेण्यासाठी आल्या होत्या. त्यावेळी उदयनराजेंनी बेबी यांची आस्थेने विचारपूस करून त्यांना काय हवं, काय नको हे पाहिलं. तसेच त्यांना आर्थिक स्वरूपाची मदतही देऊ केली. वृद्धेच्या हॉस्पिटलमधील उपचाराचा सर्व खर्च स्वतः उदयनराजे यांनी उचलला होता.

शनिवारी वृद्धापकाळाने बेबी यांचे निधन झाले. त्यांच्या निधनाने उदयनराजे यांच्या चेहऱ्यावर काळजी दिसून आली. उदयनराजे यांचा हा मनाचा संवेदनशील कोपरा अनेकांच्या मनाला स्पर्श करून गेला. सर्वसामान्यांच्या हक्क, हितासाठी धावून जाण्याची आणि अन्यायाविरोधात खंबीरपणे आवाज उठवण्याची उदयनराजेंची कामाची पद्धत आहे. मात्र एका वृध्देच्या प्रती असणारी माणुसकी आणि संवेदनशीलता उदयनराजे यांनी दाखवून आपण सातारकरांचे पालक आहोत. हे या निमित्ताने सिद्ध करून दाखवलं. उदयनराजे मित्र समूहाच्या वतीने वृद्ध महिलेच्या अंत्यसंस्काराची संपूर्ण व्यवस्था करण्यात आली होती.