सोलापूर जिल्हाधिकारी कार्यालयासमोर सकल मराठा समाजाच्या वतीने साखळी उपोषण सुरू करण्यात आले आहे. सोलापूर जिल्ह्यातील मोहोळ तालुक्यात अंकोली गाव आहे. मनोज जरांगे पाटील अंतरवली सराटी येथे मराठा आरक्षणासाठी उपोषण सुरू केल्या बरोबर अंकोली गावात साखळी उपोषण सुरू करण्यात आले आहे. गावातील विष्णु अण्णा पवार (८५) आणि नरहरी भोसले यांनी गेल्या दोन दिवसांपासून आमरण उपोषणाला सुरुवात केली आहे. वृद्ध विष्णू पवार यांची तब्येत दोन दिवसांत खालावली आहे. डॉक्टरांची टीम तैनात करण्यात आली असून वृद्ध विष्णू पवार यांच्यावर लक्ष ठेवून आहे.