नाशिकः ओबीसी नेते मंत्री छगन भुजबळ यांना नाशिक मध्ये मोठा धक्का बसला आहे. सध्या राज्यात मराठा आरक्षणाच्या प्रश्नावरून अनेक जण भुजबळांवर नाराजी व्यक्त करत आहेत. अशातच जिल्ह्यातील एका माजी आमदाराने मंत्री छगन भुजबळ यांची साथ सोडली आहे. मराठा आरक्षणासाठी सरकारला दिलेली मुदत संपल्यानंतर मनोज जरांगे पाटील पुन्हा आमरण उपोषणाला बसले आहेत. मराठा समाजाचा ओबीसी प्रवर्गात समावेश करुन आरक्षण देण्याची मागणी जरांगे पाटील यांनी केली आहे. त्यांच्या या मागणीला राष्ट्रवादीचे नेते छगन भुजबळ यांनी विरोध दर्शवला आहे. भुजबळांच्या या भूमिकेने नाराज झालेल्या माजी आमदार आणि मनमाड बाजार समितीचे सभापती संजय पवार यांनी राष्ट्रवादी काँग्रेसला सोडचिठ्ठी देत भुजबळ यांची साथ सोडली आहे.
अजित पवार गटाचे नेते छगन भुजबळ यांनी मराठा सामाजाचा ओबीसी प्रवर्गात समावेश करण्याची भूमिका घेतल्याने भुजबळांना मोठा धक्का बसला आहे. मागच्या चार दिवसांपूर्वीच मुंबई कृषी उत्पन्न बाजार समितीचे संचालक जयदत्त होळकर यांनी भुजबळांची साथ सोडली आहे. जयदत्त होळकर यांना भुजबळांचे खंदे समर्थक म्हणून ओळखले जात होते. जयदत्त होळकर हे राष्ट्रवादीचे प्रांतिक सरचिटणीस आहेत. त्यांनी या पदाचाही राजीनामा दिला आहे.
अजित पवार गटाचे नेते छगन भुजबळ यांनी मराठा सामाजाचा ओबीसी प्रवर्गात समावेश करण्याची भूमिका घेतल्याने भुजबळांना मोठा धक्का बसला आहे. मागच्या चार दिवसांपूर्वीच मुंबई कृषी उत्पन्न बाजार समितीचे संचालक जयदत्त होळकर यांनी भुजबळांची साथ सोडली आहे. जयदत्त होळकर यांना भुजबळांचे खंदे समर्थक म्हणून ओळखले जात होते. जयदत्त होळकर हे राष्ट्रवादीचे प्रांतिक सरचिटणीस आहेत. त्यांनी या पदाचाही राजीनामा दिला आहे.
मराठा आरक्षणाला मंत्री भुजबळ विरोध करत असल्याने मी राजीनामा देत असल्याची भूमिका होळकर यांनी मांडली होती. निफाड तालुका पूर्व ४६ गाव तालुकाध्यक्ष पदाचा राजीनामा दिला आहे. त्यानंतर आता पुन्हा एकदा भुजबळ यांना धक्का बसला असून माजी आमदार संजय पवार यांनी भुजबळांची साथ सोडली आहे.
छगन भुजबळ यांची मराठा समाजाच्या आरक्षणा संदर्भात असलेल्या भूमिकेमुळे अनेक मराठा समाजातील भुजबळ समर्थक भुजबळ यांच्या विरोधात उघड भूमिका घ्यायला लागले आहेत. त्यामुळे छगन भुजबळ यांच्या अडचणीत वाढ होण्याची शक्यता आहे. आगामी काळात होणाऱ्या निवडणुकांमध्ये देखील भुजबळ यांना या गोष्टीला सामोरे जाण्याची शक्यता नाकारता येत नाही. भुजबळांच्या या भूमिकेमुळे राजीनामा सत्र सुरू झाले असून दोन बड्या नेत्यांनी भुजबळ यांची साथ सोडली आहे.
भाजपनंतर आता अजित पवार गटाला ठाकरेंचा धोबीपछाड, दादांचा कोल्हापुरातील शिलेदार लावला गळाला
भुजबळ यांचे समर्थक जयदत्त होळकर यांनी राष्ट्रवादीच्या सर्व पदांचा राजीनामा दिला असून माजी आमदार आणि मनमाड बाजार समितीचे सभापती संजय पवार यांनी देखील सभापती पदाचा राजीनामा देत भुजबळ यांना एक प्रकारे धक्काच दिला आहे.
Read Latest Maharashtra News And Marathi News