म. टा. प्रतिनिधी, छत्रपती संभाजीनगर: सहा पिल्ले असलेल्या एका कुत्रीचे तोंड प्लास्टिक डब्यात अडकले. तीन दिवसांपासून ती तशीच फिरत होती. त्यामुळे अन्नपाणी नाही, परिणामी पिल्लांनाही दूध पाजणे अवघड झाले होते. ही बाब प्राणीमित्रांना समजताच त्यांनी धाव घेत तीन तासाच्या अथक प्रयत्नानंतर डब्यात तोंड अडकलेल्या कुत्रीची अखेर सुटका केली.
शहर परिसरात भटक्या कुत्र्यांची संख्या मोठ्या प्रमाणात आहे. या भटक्या प्राण्यांना अन्नाच्या शोधात सर्वत्र फिरावे लागते. या भटक्या प्राण्याची अन्नाची गरज ही कचराकुंड्यांमधील अन्न आणि खाद्यांवर तसेच लोकांनी टाकलेल्या वेगवेगळ्या गोष्टींतून भागते. अनेकदा काही अन्नपदार्थ प्लास्टिकच्या बरण्यांमध्ये, पिशव्यात टाकून दिलेले असतात. या भांड्यातील अन्नपदार्थांच्या वासामुळे कुत्रे त्यामध्ये तोंड घालतात. दुर्दैवाने त्यात तोंड अडकल्याने ते संकटातही सापडतात. अशीच घटना गादिया विहार परिसरातील स्मशानभूमीजवळ घडली.
शहर परिसरात भटक्या कुत्र्यांची संख्या मोठ्या प्रमाणात आहे. या भटक्या प्राण्यांना अन्नाच्या शोधात सर्वत्र फिरावे लागते. या भटक्या प्राण्याची अन्नाची गरज ही कचराकुंड्यांमधील अन्न आणि खाद्यांवर तसेच लोकांनी टाकलेल्या वेगवेगळ्या गोष्टींतून भागते. अनेकदा काही अन्नपदार्थ प्लास्टिकच्या बरण्यांमध्ये, पिशव्यात टाकून दिलेले असतात. या भांड्यातील अन्नपदार्थांच्या वासामुळे कुत्रे त्यामध्ये तोंड घालतात. दुर्दैवाने त्यात तोंड अडकल्याने ते संकटातही सापडतात. अशीच घटना गादिया विहार परिसरातील स्मशानभूमीजवळ घडली.
सेल्फीचा नाद जीवावर बेतला, कारसह कुटुंब पुलावरुन खाली कोसळलं, ५ जणांचा मृत्यू
एक भटकी कुत्री अन्नपाण्याच्या शोधात असतानाच तिचे तोंड एका प्लास्टिकच्या बरणीत अडकले. गादिया विहार जवळील स्मशानभूमी आणि परिसरात ही कुत्री मानेत अडकलेली डबा घेऊन फिरत होती. डब्यातून तोंड बाहेर काढता येत नव्हते आणि काही खाताही येत नव्हते.
इंदिरानगर गारखेडा स्टेडियमच्या पाठीमागे स्मशानभूमीच्या नाल्याच्या बाजूला त्या कुत्रीने काही दिवसांपूर्वीच सहा पिल्लांना जन्म दिला. डब्यासह फिरणारी कुत्री परिसरात खेळणाऱ्या मुलांच्या निदर्शनास आली. मुलांनी तातडीने ही बाब प्राणिमित्र कमलेश उमके यास सांगितली. त्यांनी तातडीने प्राणी मित्र जयेश शिंदे यांना त्याबाबत कळविले.
जयेश यांच्यासह प्राणिमित्र मनोज गायकवाड, दाऊद शेख, कमलेश उमके घटनास्थळी धाव घेतली. महापालिकेच्या श्वान पथकासही कळविण्यात आले. तोपर्यंत या प्राणिमित्रांनी कुत्रीचा शोध घेतला आणि तिला पकडण्यासाठी प्रयत्न सुरू केले. एक फासा तयार करण्यात आला आणि तो त्या कुत्रीच्या गळ्यात फेकला. त्यानंतर तिला पकडून प्लास्टिकचा डबा काढून तिला सोडून देण्यात आले. संकटातून मुक्त झालेली कुत्री धावतच तिच्या पिल्लाकडे गेली.
रक्तदान केल्यानंतर तरुणाची प्रकृती बिघडली अन् आक्रित घडलं, ६ महिन्यांचं बाळ बाबांना मुकलं
Read Latest Maharashtra News And Marathi News