मुंबई : महाराष्ट्राचा ‘उडता पंजाब’ होऊ नये यासाठी महाराष्ट्राची लेक म्हणून मी लढतेय. पण मला धमकावण्याचं काम भाजप नेते करतायेत. मला अब्रुनुकसानाच्या दाव्याची भीती दाखवतायेत. पण ज्यांना अब्रुच नाही ते काय माझ्यावर अब्रुनुकसानीचा दावा दाखल करणार? देवेंद्र फडणवीस यांनी महाराष्ट्र नासवला. त्यांनी एका अमराठी व्यक्तीला आश्रय दिला, त्याला पोसला आणि तोच व्यक्ती मला धमकावण्याचं काम करतोय. मी त्याला सांगू इच्छिते ‘शिस्तीत रहा बेट्या उडू नको ज्यादा, मी अंगार-भंगार नाय रं…’ अशा शब्दात शिवसेना उपनेत्या सुषमा अंधारे यांनी ड्रग्ज प्रकरणावरून धमकावणाऱ्या भाजप नेते मोहित कंबोज यांना रोखठोक इशारा दिला. आमदार-खासदारांना गपगार केलं असेल पण तुझा सामना चळवळीतील पोरीशी आहे, असंही अंधारेंनी त्यांना आवर्जून सांगितलं.
आपल्या ओघवत्या वाणीने आणि फर्ड्या वक्तृत्वाने गतवर्षी ‘शिवतीर्थ’ गाजविलेल्या सुषमा अंधारे यांच्या भाषणाची यंदाही लाखो शिवसैनिक आतुरतेने वाट पाहत होते. महामानवांना वंदन करून आणि संतांचं स्मरण करून सुषमा अंधारे यांनी शिवतीर्थावरच्या दुसऱ्या भाषणाची सुरूवात केली. ड्रग्ज प्रकरणावरून महाराष्ट्रात सुरू असलेलं राजकारण, सरकारच्या भूमिका, अशा सगळ्यावरून त्यांनी उपमुख्यमंत्री देवेंद्र फडणवीस आणि शिंदे गटाच्या नेत्यांना लक्ष्य केले. ‘सिर्फ हंगामा खडा करना मकसद नहीं हैं मेरा… ये सूरत बदलनी चाहिए…’ असा आशावादही त्यांनी बोलून दाखवला.
आपल्या ओघवत्या वाणीने आणि फर्ड्या वक्तृत्वाने गतवर्षी ‘शिवतीर्थ’ गाजविलेल्या सुषमा अंधारे यांच्या भाषणाची यंदाही लाखो शिवसैनिक आतुरतेने वाट पाहत होते. महामानवांना वंदन करून आणि संतांचं स्मरण करून सुषमा अंधारे यांनी शिवतीर्थावरच्या दुसऱ्या भाषणाची सुरूवात केली. ड्रग्ज प्रकरणावरून महाराष्ट्रात सुरू असलेलं राजकारण, सरकारच्या भूमिका, अशा सगळ्यावरून त्यांनी उपमुख्यमंत्री देवेंद्र फडणवीस आणि शिंदे गटाच्या नेत्यांना लक्ष्य केले. ‘सिर्फ हंगामा खडा करना मकसद नहीं हैं मेरा… ये सूरत बदलनी चाहिए…’ असा आशावादही त्यांनी बोलून दाखवला.
नाशिकचा पालकमंत्री गोट्या खेळत होता काय?
महाराष्ट्र ड्रग्स मुक्त होण्याची मी भूमिका मांडत आहे. महाराष्ट्राचा ‘उडता पंजाब’ होऊ नये म्हणून आम्ही भूमिका घेत आहोत. नाशिकला शेकडो कोटींचे ड्रग्सचा कारखाना मिळतो त्यावेळी नाशिकचा पालकमंत्री गोट्या खेळत होता काय? ज्यावेळी ललित पाटील ससूनमधून पळून गेला त्यावेळी पुण्याचा एसपी काय करत होता? असे सवाल अंधारे यांनी विचारले. ड्रग्ज प्रकरणात मी आवाज उठवत असताना एकीकडे माझ्यावर अब्रूनुकसानीचा दावा दाखल करण्याचं शिंदे गटातील नेते सांगत होते. पण मागून माझ्याशी मांडवली करण्याचा प्रयत्न ते करत होते. यावेळी महाडचे आमदार भरत गोगावलेंचे नाव घेऊन मांडवलीचा आरोप सुषमा अंधारे यांनी केला.
सहा आमदारांना मिळायचा १६ लाखांचा हप्ता; नाशिक ड्रग्ज प्रकरणात संजय राऊत यांचा गंभीर आरोप
देवेंद्र फडणवीस यांना चाणक्य मानत नाही
मी देवेंद्र फडणवीस यांना चाणक्य मानत नाही. चाणक्य त्यांना म्हणतात, जे नेते घडवतात. पवारसाहेबांनी वळसे पाटील, प्रफुल पटेल, अजित पवार अशा नेत्यांना घडवलं. बाळासाहेबांनी चंद्रकांत खैरे, आढळराव पाटील, खुद्द पक्षप्रमुख उद्धव ठाकरे यांना घडवलं. फडणवीसांनी कोणत्या नेत्यांना घडवलं. त्यांनी तर नेत्यांना संपविण्याचं काम केलं. देवेंद्र फडणवीस यांनी मुंडे, तावडे, खडसेंना संपवलं. आता ते चंद्रकांत पाटील यांच्या मागे लागले आहेत, अशा शब्दात सुषमा अंधारे यांनी फडणवीसांवर टीका केली.