भाविक पाटील/ हुसेन मेमन, म.टा.वृत्तसेवा ,मिरा-भाईंदर: मिरा-भाईंदर मध्ये अमली पदार्थांची विक्री करण्यासाठी आलेल्या अटक आरोपीच्या संपूर्ण साखळीचा तपास करत पालघर जिल्ह्याच्या मोखाड्यात अमली पदार्थांच्या सुरू असलेल्या कारखान्यावर छापा टाकून कारवाई करण्यात आली आहे .एका फार्म हाऊस मध्ये हा कारखाना थाटण्यात आला होता .मिरा-भाईंदर पोलिसांच्या गुन्हे शाखेच्या पथकाने ही कारवाई केली असून तब्बल ३८ कोटींचा एमडी येथून जप्त केला आहे .हा कारखाना मागच्या दीड वर्षांपासून सुरू होता.
मिरा-भाईंदर मध्ये अमली पदार्थांची विक्री करण्यासाठी काही जण आले असून ते भाईंदर पूर्वेला असणाऱ्या एका हॉटेल मध्ये आठवडाभरापासून वास्तव्यास असल्याची माहिती १८ ऑक्टोबर रोजी गुन्हे शाखेच्या पथकाला मिळाली होती .त्यानुसार कारवाई केली असता ,तेथे २५१ ग्राम एमडी व जिवंत काडतुसे मिळून आल्याने सनी सलेकर , विशाल गोडसे, दीपक दुबे व शहबाज सेवा अश्या चार जणांना अटक करण्यात आली होती .
मिरा-भाईंदर मध्ये अमली पदार्थांची विक्री करण्यासाठी काही जण आले असून ते भाईंदर पूर्वेला असणाऱ्या एका हॉटेल मध्ये आठवडाभरापासून वास्तव्यास असल्याची माहिती १८ ऑक्टोबर रोजी गुन्हे शाखेच्या पथकाला मिळाली होती .त्यानुसार कारवाई केली असता ,तेथे २५१ ग्राम एमडी व जिवंत काडतुसे मिळून आल्याने सनी सलेकर , विशाल गोडसे, दीपक दुबे व शहबाज सेवा अश्या चार जणांना अटक करण्यात आली होती .
या आरोपींच्या साखळीची माहिती घेण्यासाठी अधिक चौकशी केली असता त्यांनी दहिसर मधील नसीर अहमद चौधरी व भाईंदरच्या गौतम घोष ह्याचा देखील सहभाग असल्याचे निष्पन्न झाल्याने त्यांना अटक करण्यात आली होती .त्याने दिलेल्या माहितीनुसार वसईतील समीर पिंजारच्या पालघर मधील मोखाडा येथील एका फार्म हाऊसवर पोलिसांकडून नुकताच छापा टाकण्यात आला .येथील प्रयोग शाळेत विविध केमिकलच्या मदतीने अमली ( मेफेड्रोन ) पदार्थ तयार केले जात असल्याचे दिसून आले .येथून तब्बल १८ किलो एमडी जप्त करण्यात आला असून आंतरराष्ट्रीय बाजारात त्याची ३६ कोटी रुपये इतकी किंमत आहे .
हा कारखाना चालवणाऱ्या मुख्य ४५ वर्षीय आरोपी समीरला देखील अटक करण्यात आली आहे . तो ,ह्यापूर्वी हैदराबाद मधील एका केमिकल कारखान्यात कामाला होता, येथे त्याने अमली पदार्थ तयार करण्याचे प्रशिक्षण घेतले असल्याचा अंदाज व्यक्त केला जात आहे. नाशिकच्या ललित पाटील प्रकरणाशी याचा संबंध आहे का ? याचा देखील तपास केला जात असल्याची माहिती गुन्हे शाखेच्या अविराज कुराडे यांनी दिली.
Read Latest Maharashtra News And Marathi News