पार्किंगची गरज पाहता पालिकेने पुन्हा रस्त्यांच्या कडेला पार्किंग व्यवस्थेत वाढ करण्याचा निर्णय घेतला आहे. त्यासाठी पालिकेच्या सर्व २४ वॉर्डांचे सर्वेक्षण पूर्ण करण्यात आले आहे. काही वॉर्डांकडून उपलब्ध माहितीनंतर प्रथम ग्रँट रोड, गिरगाव, मुंबई सेंट्रल, मलबार हिल या डी वॉर्ड, वरळी, प्रभादेवी, लोअर परळ जी दक्षिण, अंधेरी पश्चिम या के पश्चिम आणि भांडुप पश्चिम या एस वॉर्डमध्ये रस्त्यांवरील पार्किंग सुविधेत वाढ करण्यात येणार आहे. त्याची सर्व तयारी पूर्ण झाली आहे. या चारही ठिकाणी २१ हजार ९६१ वाहनांसाठी पार्किंग सुविधा उपलब्ध होणार आहे. त्यानंतर टप्प्याटप्प्यांत अन्य वॉर्डांत अंमलबजावणी केली जाणार आहे. डी वॉर्डमध्ये १२७ ठिकाणी, जी दक्षिणमध्ये ८६, के पश्चिममध्ये २२० आणि एस वॉर्डमध्ये १०८ ठिकाणी पार्किंगची सुविधा उपलब्ध केली जाणार आहे.

पार्किंग क्षमता

वॉर्ड सध्या पार्क होणारी वाहने क्षमता वाढल्यावरची वाहनसंख्या

डी १०८ २,७२७

जी दक्षिण २३० ४,२८२

के पश्चिम २५२ १०,८४८

एस — ४,१०४