म. टा. विशेष प्रतिनिधी, मुंबई : लोअर परळमधील प्रसिद्ध चायनीज रेस्टॉरंट ‘मेराक’वर अन्नसुरक्षा नियमांचे पालन न केल्याबद्दल अन्न आणि औषध प्रशासनाने कारवाई केली आहे. अन्नसुरक्षेच्या संदर्भातील नियमावलीचे पालन करण्यासाठी या रेस्टॉरंटला दोन महिन्यांचा कालावधी दिला आहे. या कालावधीमध्ये दिलेल्या सूचनांचे पालन न झाल्यास एफडीएकडून पुढील कारवाई होऊ शकते असा इशाराही देण्यात आला आहे.
अन्नसुरक्षेच्या संदर्भातील सर्व निकषांचे पालन करणे हे प्रत्येक हॉटेल व्यावसायिकांसाठी बंधनकारक आहे. त्याचे पालन केले जात नसेल तर त्यांच्यावर कारवाई करण्याचा अधिकार अन्न व औषध प्रशासनाला आहे. एफडीएने आत्तापर्यंत अठरा हॉटेल्सवर कारवाई केली असून त्यातील दोन हॉटेल्सचे परवाने रद्द केल्याची माहिती अन्न व औषध प्रशासनाचे सहआयुक्त शैलेश आढाव यांनी दिली आहे.
यापुढील काळामध्येही अन्न व औषध प्रशासनाची कारवाई सुरू राहणार आहे. दक्षिण मुंबईमध्ये एका हॉटेल्समधील चिकनच्या पदार्थामध्ये उंदीर सापडल्याची तक्रार आल्यानंतर ही कारवाई करण्यात आली होती. अन्न व औषध प्रशासनाच्या अधिकाऱ्यांकडून दोन महिन्यांमध्ये १५०हून अधिक हॉटेल्सची तपासणी करण्यात आली असून त्यापैकी १३७ ठिकाणी अन्नपदार्थांच्या दर्जाशी संबधित तक्रारी आल्या होत्या. त्यापैकी १३६ ठिकाणी किचनची स्वच्छता व गुणवत्ता सुधारण्याची गरज असल्याचे दिसून आले आहे. सोळा हॉटेल्स ही कोणत्याही परवान्याशिवाय चालवली जात असल्याचे एफडीएला दिसून आले आहे.
अन्नसुरक्षेच्या संदर्भातील सर्व निकषांचे पालन करणे हे प्रत्येक हॉटेल व्यावसायिकांसाठी बंधनकारक आहे. त्याचे पालन केले जात नसेल तर त्यांच्यावर कारवाई करण्याचा अधिकार अन्न व औषध प्रशासनाला आहे. एफडीएने आत्तापर्यंत अठरा हॉटेल्सवर कारवाई केली असून त्यातील दोन हॉटेल्सचे परवाने रद्द केल्याची माहिती अन्न व औषध प्रशासनाचे सहआयुक्त शैलेश आढाव यांनी दिली आहे.
यापुढील काळामध्येही अन्न व औषध प्रशासनाची कारवाई सुरू राहणार आहे. दक्षिण मुंबईमध्ये एका हॉटेल्समधील चिकनच्या पदार्थामध्ये उंदीर सापडल्याची तक्रार आल्यानंतर ही कारवाई करण्यात आली होती. अन्न व औषध प्रशासनाच्या अधिकाऱ्यांकडून दोन महिन्यांमध्ये १५०हून अधिक हॉटेल्सची तपासणी करण्यात आली असून त्यापैकी १३७ ठिकाणी अन्नपदार्थांच्या दर्जाशी संबधित तक्रारी आल्या होत्या. त्यापैकी १३६ ठिकाणी किचनची स्वच्छता व गुणवत्ता सुधारण्याची गरज असल्याचे दिसून आले आहे. सोळा हॉटेल्स ही कोणत्याही परवान्याशिवाय चालवली जात असल्याचे एफडीएला दिसून आले आहे.
१.७ लाखांचा दंड
या हॉटेल्सकडून एफडीएने १ लाख ७० हजार रुपये दंड वसूल केला आहे. विशेष तपासणी मोहिमेदरम्यान उच्चश्रेणीतील हॉटेल्सकडून नियमांचे उल्लंघन केले जात असल्याचे दिसून आले. तसेच, स्वच्छतेच्या निकषांबाबत अनेक ठिकाणी तक्रारी येत असल्याचे उघड झाले. विनाझाकण कचऱ्याच्या पेट्या तसेच अनेक ठिकाणी कर्मचाऱ्यांची आरोग्य चाचणी केली नसल्याने आरोग्य प्रमाणपत्र देण्यात आले नसल्याचे दिसून आले आहे
हार्दिकच्या जागी भारतीय संघात होणार मॅचविनरची एंट्री, मोठ्या सामन्यापूर्वी रोहितची चिंता मिटली