नवी मुंबई : नवी मुंबई मेट्रोचे उद्घाटन पंतप्रधान नरेंद्र मोदी यांच्या हस्ते व्हावे याकरिता एकाच महिन्यात पंतप्रधानांचा तिसरा संभाव्य दौरा नवी मुंबईत आयोजित केला जात आहे. यापूर्वी १३ व १४ ऑक्टोबर आणि त्यानंतर १७ ऑक्टोबरची तारीख नवी मुंबई मेट्रोच्या उद्घाटनासाठी निश्चित केली जात होती. परंतु, पंतप्रधानांच्या व्यग्र कार्यक्रमांमुळे आजतागायत हा योग जुळून आलेला नाही. त्यामुळे येत्या ३० ऑक्टोबर रोजी पंतप्रधानांचा संभाव्य नवी मुंबई दौरा आखण्यात येत आहे. त्या अनुषंगाने राज्य शासनासह नवी मुंबईतील विविध शासकीय प्राधिकरणे पंतप्रधानांच्या संभाव्य दौऱ्याची तयारी करण्यात गुंतली आहेत.
विशेष म्हणजे नवी मुंबई मेट्रोच्या उद्घाटनासह त्याच दिवशी राज्य शासनाद्वारे नमो महिला सशक्तीकरण मोहिमेचा शुभारंभही नवी मुंबईतून केला जाणार आहे. नवी मुंबई आंतरराष्ट्रीय विमानतळाच्या जागेवर आयोजित या नमो महिला सशक्तीकरण मोहिमेच्या शुभारंभप्रसंगी उपस्थित महिलांना पंतप्रधान नरेंद्र मोदी संबोधित करणार आहेत. या महिला मेळाव्यास संपूर्ण राज्यातून विविध महिला बचत गटांतील एक लाखाहून अधिक महिला उपस्थित राहण्याकरिता शासन यंत्रणा दिवसरात्र झटत आहेत.
विशेष म्हणजे नवी मुंबई मेट्रोच्या उद्घाटनासह त्याच दिवशी राज्य शासनाद्वारे नमो महिला सशक्तीकरण मोहिमेचा शुभारंभही नवी मुंबईतून केला जाणार आहे. नवी मुंबई आंतरराष्ट्रीय विमानतळाच्या जागेवर आयोजित या नमो महिला सशक्तीकरण मोहिमेच्या शुभारंभप्रसंगी उपस्थित महिलांना पंतप्रधान नरेंद्र मोदी संबोधित करणार आहेत. या महिला मेळाव्यास संपूर्ण राज्यातून विविध महिला बचत गटांतील एक लाखाहून अधिक महिला उपस्थित राहण्याकरिता शासन यंत्रणा दिवसरात्र झटत आहेत.
नमो महिला सशक्तीकरण मोहिमेच्या शुभारंभाची व नवी मुंबई मेट्रोच्या उद्घाटनाची तयारी करण्यासाठी आज, शनिवारी खारघर येथील गोल्फ कोर्सवर सर्व शासकीय अधिकाऱ्यांची बैठक आयोजित करण्यात आली आहे. नवी मुंबई मेट्रोच्या उद्घाटनाची तयारी करण्याची जबाबदारी संपूर्णत: सिडको व्यवस्थापनावर असणार आहे. तर, रायगड जिल्हाधिकाऱ्यांच्या मार्गदर्शनाखाली नमो महिला सशक्तीकरण मोहिमेच्या शुभारंभाची तयारी महिला आर्थिक विकास महामंडळ (माविम) व महाराष्ट्र राज्य ग्रामीण जीवन्नोत्ती अभियान (एमएसआरएलएम-उमेद) आदी शासकीय प्राधिकरणे करणार आहेत.
मनी लाँड्रिंग प्रकरणात अटकेची कारवाई करण्याआधी ३ निकष पाळा, ईडीच्या अधिकारांवर अंकुश
असह्य उकाड्यात सोहळा
सध्या ऑक्टोबर हिटचा उकाडा नागरिकांना असह्य होत आहे. असे असताना नमो महिला सशक्तीकरण मोहिमेच्या शुभारंभाच्या अनुषंगाने एक लाखाहून अधिक महिलांना एकत्र आणणे कितपत सयुक्तिक ठरेल याची चर्चा सर्वत्र सुरू आहे.
Read Latest Maharashtra News And Marathi News