नागपूर : उपमुख्यमंत्री देवेंद्र फडणवीस यांच्या शहर दौऱ्यात नागपुरातील शासकीय देवगिरी बंगल्याबाहेर तणाव निर्माण झाला होता. उपमुख्यमंत्री यांना भेटण्यासाठी भाजपचे नेते आणि पक्षाच्या पदाधिकाऱ्यांची गर्दी झाली. भाजप युवक शहरप्रमुख पुष्कर पोरशेट्टीवार यांनी त्यांच्या शिष्टमंडळासह उपमुख्यमंत्र्यांना निवेदन देण्याच्या प्रयत्नात होते. यावेळी पोरशेट्टीवार आणि पोलीस उपायुक्त (डीसीपी) राहुल मदने यांच्यात जोरदार वादावादी होऊन परिसरात तणावाचे वातावरण निर्माण झाले. उपमुख्यमंत्री देवेंद्र फडणवीस यांना निवेदन देण्यासाठी पुष्कर पोरशेट्टीवार हे त्यांच्या समर्थकांसह देवगिरी बंगल्याच्या एक्झिट गेटकडे जात होते. त्याचवेळी ही घटना घडली. प्रोटोकॉलचे उल्लंघन होत असल्याचे पाहून डीसीपी राहुल मदने यांना हस्तक्षेप करावा लागला. त्यामुळे पोरशेट्टीवार आणि डीसीपी मदने यांच्यात बाचाबाची झाली.
मात्र उपमुख्यमंत्री देवेंद्र फडणवीस यांच्या नागपुरातील शासकीय निवासस्थान देवगिरी बाहेर पोलीस अधिकारी आणि कार्यकर्त्यांमध्ये हाणामारी झाल्याच्या बातम्या निराधार असून अशी कोणतीही घटना घडलेली नाही, असे नागपूरचे पोलीस आयुक्त अमितेश कुमार यांनी स्पष्ट केले. या प्रकरणी पुष्करने माफी मागितली असल्याने याप्रकरणी कोणताही गुन्हा दाखल करण्यात आलेला नाही किंवा त्याच्यावर कोणतीही दखलपात्र गुन्हा दाखल करण्यात आलेला नाही, असे पोलिस आयुक्त अमितेश कुमार यांनी स्पष्ट केले.
मात्र उपमुख्यमंत्री देवेंद्र फडणवीस यांच्या नागपुरातील शासकीय निवासस्थान देवगिरी बाहेर पोलीस अधिकारी आणि कार्यकर्त्यांमध्ये हाणामारी झाल्याच्या बातम्या निराधार असून अशी कोणतीही घटना घडलेली नाही, असे नागपूरचे पोलीस आयुक्त अमितेश कुमार यांनी स्पष्ट केले. या प्रकरणी पुष्करने माफी मागितली असल्याने याप्रकरणी कोणताही गुन्हा दाखल करण्यात आलेला नाही किंवा त्याच्यावर कोणतीही दखलपात्र गुन्हा दाखल करण्यात आलेला नाही, असे पोलिस आयुक्त अमितेश कुमार यांनी स्पष्ट केले.
देवेंद्र फडणवीस यांच्या देवगिरी निवासस्थानी प्रवेश करण्याच्या कारणावरून भाजप युवक शहरप्रमुख पुष्कर पोशेट्टीवार आणि पोलीस उपायुक्त राहुल मदने यांच्यात मोठा वाद झाल्याची बातमी वाऱ्यासारखी पसरली होती. देवगिरी निवासस्थानाबाहेर प्रवेश करण्याच्या कारणावरून वाद झाला. ही बाब काही माध्यमांकडून दाखवली जात आहे. तसे काही झाले नाही. मात्र, काही माध्यमांनी बातम्यांचा विपर्यास केल्याने पोलिस आणि कार्यकर्त्यांबद्दल गैरसमज पसरले.
पुण्यात PSIने ड्रीम ११ वर दीड कोटी रुपये जिंकले, पण आता अडचणी वाढणार; नेमकं काय घडलं?
उपमुख्यमंत्री देवेंद्र फडणवीस हे गृहमंत्रीही असल्याने त्यांच्याकडे अत्यंत कडेकोट पोलिस बंदोबस्त आहे. त्यामुळे पोलिसांना नियमानुसार काम करावे लागणार आहे. प्रत्येक कार्यकर्त्याला आपल्या नेत्याला भेटायचे असते, मात्र सुरक्षेच्या कारणास्तव पोलिसांनाही काही मर्यादा पाळाव्यात. अशा परिस्थितीत अनेकदा कार्यकर्ते आणि पोलिसांमध्ये वादावादीच्या घटना घडतात ही नवीन बाब नाही असेही पोलिस आयुक्त अमितेशकुमार म्हणाले.