कोल्हापूर: संपूर्ण देशात सध्या नवरात्री उत्सव मोठ्या उत्साहात साजरा केला जात आहे. नवरात्रोत्सवात तरुणींची गरबा खेळण्यासाठी विशेष पसंती असते. मात्र, गरबा खेळण्यासाठी तरुणींनी भलताच प्रकार अवलंबल्याचे समोर आले आहे. गरबा खेळण्यासाठी जायला चक्क मुलींनी रुग्णवाहिका वापरली असून रुग्णवाहिकेतून जाताना या रुग्णवाहिकेने 2 दुचाकींना धडक देखील दिली आहे. विशेष म्हणजे ही रुग्णवाहिका शासकीय रुग्णालयाची असून हा सर्व प्रकार काल रात्री दहाच्या सुमारास कोल्हापुरातील हॉकी स्टेडियम परिसरात घडली आहे. दरम्यान, हा सर्व प्रकार समजताच जुना राजवाडा पोलीस ठाण्यातील पोलीस अधिकाऱ्यांनी घटनास्थळी दाखल होत रुग्णवाहिकेची चौकशी करून मार्गस्थ केले. रुग्णांसाठी असलेली रुग्णवाहिका गरबा खेळण्यासाठी जायला वापरल्याने नागरिक संतप्त झाले होते.
याबाबत अधिक माहिती अशी की, कोल्हापुरातील हॉकी स्टेडियम पासून गोखले कॉलेजकडे जाणाऱ्या रस्त्यावर काल रात्री १० वाजताच्या सुमारास एक धक्कादायक प्रकार समोर आला आहे. कोल्हापुरातील शासकीय वैद्यकीय महाविद्यालयातील मुलींनी गरबा खेळण्यासाठी जायला चक्क सीपीआर रुग्णालयाची रुग्णवाहिका वापरली. यावेळी रुग्णवाहिकेतून प्रवास करताना चक्क सायरन वाजवत रुग्णवाहिका भरधाव निघाली होती. या रुग्णवाहिकेने एक चारचाकी आणि दोन दुचाकी वाहनांना ओव्हरटेक केले व पुढे जाऊन तिने गाडीला धडक दिली.
बिश्नोई गँगचे नाव सांगत बांधकाम व्यावसायिकाला जीवे मारण्याची धमकी, पोलिसांकडून करेक्ट कार्यक्रम
याबाबत अधिक माहिती अशी की, कोल्हापुरातील हॉकी स्टेडियम पासून गोखले कॉलेजकडे जाणाऱ्या रस्त्यावर काल रात्री १० वाजताच्या सुमारास एक धक्कादायक प्रकार समोर आला आहे. कोल्हापुरातील शासकीय वैद्यकीय महाविद्यालयातील मुलींनी गरबा खेळण्यासाठी जायला चक्क सीपीआर रुग्णालयाची रुग्णवाहिका वापरली. यावेळी रुग्णवाहिकेतून प्रवास करताना चक्क सायरन वाजवत रुग्णवाहिका भरधाव निघाली होती. या रुग्णवाहिकेने एक चारचाकी आणि दोन दुचाकी वाहनांना ओव्हरटेक केले व पुढे जाऊन तिने गाडीला धडक दिली.
बिश्नोई गँगचे नाव सांगत बांधकाम व्यावसायिकाला जीवे मारण्याची धमकी, पोलिसांकडून करेक्ट कार्यक्रम
यावेळी काही नागरिकांनी रुग्णवाहिकेचा पाठलाग केला तेव्हा चालकाशेजारी दोन युवती बसल्याचे लक्षात आले. यावेळी नागरिकांनी ही रूग्णवाहिका थांबवली आणि रुग्णवाहिकेचे मागचे दार उघडण्यास सांगितले यावेळी सुरुवातीला चालकाने नकार दिला. मात्र, नागरिकांनी दबाव टाकल्यानंतर त्याने दरवाजा उघडला. यावेळी रुग्णवाहिकेत गरबा खेळण्यासाठी जाणाऱ्या तरुणी दाटीवाटीने बसल्याचे दिसून आले.
रुग्णवाहिकेतील मुलींकडे अधिक चौकशी केली असता गरबा खेळण्यासाठी निघाल्याचे त्यांनी सांगितले.उपस्थित नागरिकांनी याबाबत पोलीसांना माहिती दिली असता जुना राजवाडा पोलिसांचे गस्ती पथकाने तत्काळ घटनास्थळी धाव घेतली. चालकाच्या परवाना तपासून रुग्णवाहिका सोडून दिली. मात्र, रुग्णवाहिकेचा वापर गरबा खेळायला जाण्यासाठी केल्याने नागरिकांमधून संताप व्यक्त करण्यात येत आहे.
Read Latest Kolhapur News And Marathi News