इमारतीतील रहिवाशांनी अवनीला शेडवरून खाली आणले आणि तिच्यासह रावत यांनाही डोंबिवली एमआयडीसीच्या निवासी विभागातील एका खासगी हॉस्पिटलमध्ये तातडीने दाखल केले. जखमी रावत यांच्यावर उपचार करून त्यांना घरी सोडण्यात आले. अवनीला अतिदक्षता विभागात व्हेंटिलेटरवर ठेवण्यात आले होते. सुरूवातीला ती उपचारांना प्रतिसाद देत होती. मात्र रविवारी सकाळी तिची प्रकृती चिंताजनक झाली. अखेर उपचारादरम्यान मृत्यूशी झुंज देणाऱ्या अवनीला तेथील डॉक्टरांनी मृत घोषित केले. या घटनेची मानपाडा पोलिस ठाण्यात नोंद करण्यात आली आहे. कुणाच्या निष्काळजीपणामुळे हा अपघात घडला ? याचा पोलिस तपास करत आहेत.