‘पूर्वी गावात विजेच्या लंपडावमुळे पाणी येत नव्हते. गेल्या वर्षी योजना पूर्ण झाली आणि घरोघरी नळ बसले. पूर्वी कमी दाबाने पाणी येत होते. आता जादा दाबाने पाणी येऊ लागले आहे. त्यामुळे आमच्या गावांमध्ये सुख आले आहे,’ अशा शब्दांत अंगणवाडी सेविका रंजना पारटे यांनी भावना व्यक्त केल्या.

पुणे जिल्ह्यात प्रत्येक घरापर्यंत पाणी पोहोचविण्यासाठी जलजीवन मिशन अंतर्गत कामे सुरू आहेत. येत्या मार्चअखेर १०० टक्के गावांना नळाद्वारे घरात शुद्ध पाणी पोहोचविण्याचे प्रयत्न सुरू आहेत. जिल्ह्यातील ५३ गावांमधील घराघरांत पाणी पोहोचल्याने नागरिकांचे जीवनमान उंचावले आहेत; तसेच गावांमध्ये आनंदाचे वातावरण आहे.- प्रकाश खताळ, कार्यकारी अभियंता, पुणे जिल्हा परिषद
Pune News: जिल्ह्यातील गावे ‘पाणीदार’, गावकऱ्यांची तहान भागली, डोळ्यांतील पाणी लुप्त
दृष्टिक्षेपात जलजीवन मिशन

१२२४
जिल्ह्यातील जलजीवन योजना

५३
घराघरांत पाणी पोहोचलेली गावे

१८५
लवकरच पाणीपुरवठा सुरू होणारी गावे

८,९३,८६२
पुणे जिल्ह्यातील कुटुंबसंख्या

६,८२,१०१
नळजोडणी झालेली घरे

२,११,७६१
नळजोडणी शिल्लक घरे

१९४३.२५ कोटी
जलजीवन मिशन योजनेसाठी जिल्ह्यातील खर्च