टोलच्या दरात वाढ कशी होते? वाहन चालकांच्या आक्षेपांवर उपाय काय? वाचा टोल आकारणीचा रंजक इतिहास

वाशीच्या दिशेला असणारा १० मार्गिकांचा नवा पथकर नाका महिनाभरात कार्यरत होईल. त्यामुळे आता एका ठिकाणी वाहनांची गर्दी कमी होऊन वाहने दोन टोलनाक्यावर विभागली जातील. सध्या सुरू असलेला टोलनाका हा फक्त मुंबईच्या दिशेने जाणाऱ्या वाहनांसाठी असेल. तर नवा टोलनाका हा मुंबईहून पुण्याच्या दिशेने जाणाऱ्या वाहनांसाठी वापरला जाईल. त्यामुळे आता वाशी टोलनाक्यावरील वाहतूक कोंडीचा प्रश्न पूर्णपणे निकालात निघेल, असा दावा रस्ते विकास महामंडळाकडून करण्यात आला आहे.

मुंबईच्या वेशीवरील टोलबाबत मोठी बातमी: निर्णय सरकारच्याच हाती; मंत्रिमंडळाची भूमिका काय?

सध्याच्या वाशी टोलनाक्यावर एकूण १८ मार्गिका आहेत. त्यापैकी नऊ मार्गिका या मुंबईकडे तर उर्वरित नऊ पुण्याकडे जाणाऱ्या वाहनांसाठी वापरल्या जातात. परंतु, त्यात दहा मार्गिकांचा नवा टोलनाका वाशीच्या दिशेने झाल्यास एकाच ठिकाणी येणारी वाहनांची गर्दी कमी होईल. शीव-पनवेल महामार्गाचे काँक्रिटीकरण झाले असले तरी गेल्या काही वर्षांत या मार्गावरील वाहनांची संख्या मोठ्याप्रमाणावर वाढली आहे. काही वर्षांपूर्वी वाशी गावालगत असणारा असलेला जुना टोल नाका हलवून ते ठाणे खाडी पुलालगत आणण्यात आला होता. या बदलामुळे सुरुवातीच्या काळात या मार्गावरील येथील वाहतूक सुसह्य झाली. मात्र, आता वाहनांची संख्या वाढल्याने हा टोलनाकाही अपुरा पडू लागला होता. मुंबई-पनवेल आणि पुण्याच्या दिशेने जाणाऱ्या वाहनांच्या संख्येत सतत वाढ होत असल्याने हा टोलनाका सध्या वाहतूक कोंडीचे मोठे केंद्र ठरत आहे. परंतु, १० मार्गिकांच्या नव्या टोलनाक्यामुळे ही समस्या लवकरच संपुष्टात येईल.