नागपूर : राज्याची उपराजधानी नागपूर येथून इंदोरला जाणाऱ्यांसाठी मोठी माहिती समोर येत आहे. त्याअंतर्गत सोमवारपासून वंदे भारत ट्रेन मध्य प्रदेशातील औद्योगिक शहर इंदोर आणि संतनगरी दरम्यान धावणार आहे. याबाबत रेल्वेने नवे वेळापत्रकही जाहीर केले आहे. मात्र, दोन्ही शहरांदरम्यान नवी रेल्वे नसून इंदोरहून भोपाळला येणारी वंदे भारत ही गाडी नागपूरपर्यंत आजपासून कायमस्वरुपी वाढवण्यात आली आहे.
इंदोर हे औद्योगिक शहर असल्याने नागपुरातील व्यापारी आणि लोक मोठ्या संख्येने इंदोरमध्ये येतात. दोन शहरांदरम्यान एक साप्ताहिक ट्रेन वगळता कोणतीही थेट ट्रेन नाही जी फक्त दोन शहरांदरम्यान धावते. हे पाहता भाजपचे सरचिटणीस आणि इंदोर विधानसभेचे उमेदवार कैलाश विजयवर्गीय यांनी रेल्वेमंत्री अश्विनी वैष्णव यांच्याकडे रेल्वे भोपाळ ते नागपूरपर्यंत वाढवण्याची मागणी केली होती. ते मान्य करून हा निर्णय घेण्यात आला आहे.
या प्रवासाला आठ तास २० मिनिटे लागतील
इंदोर हे औद्योगिक शहर असल्याने नागपुरातील व्यापारी आणि लोक मोठ्या संख्येने इंदोरमध्ये येतात. दोन शहरांदरम्यान एक साप्ताहिक ट्रेन वगळता कोणतीही थेट ट्रेन नाही जी फक्त दोन शहरांदरम्यान धावते. हे पाहता भाजपचे सरचिटणीस आणि इंदोर विधानसभेचे उमेदवार कैलाश विजयवर्गीय यांनी रेल्वेमंत्री अश्विनी वैष्णव यांच्याकडे रेल्वे भोपाळ ते नागपूरपर्यंत वाढवण्याची मागणी केली होती. ते मान्य करून हा निर्णय घेण्यात आला आहे.
या प्रवासाला आठ तास २० मिनिटे लागतील
रेल्वेने जाहीर केलेल्या नवीन वेळापत्रकानुसार, गाडी क्रमांक २०९११ सकाळी ६:१० वाजता इंदोरहून सुटेल आणि नागपूरला दुपारी २:३० वाजता पोहोचेल. ही ट्रेन ६३६ किलोमीटरचे अंतर आठ तास २० मिनिटांत पार करेल. या कालावधीत ट्रेन तीन स्थानकांवर थांबेल. इंदोरहून सुटल्यानंतर ही गाडी उज्जैनला सकाळी ७ वाजता, भोपाळला ९.१५ वाजता, इटारसीला १०.४५ वाजता आणि नागपूरला १४.३० वाजता पोहोचेल. त्याचप्रमाणे, परतीच्या दिशेने, ट्रेन क्रमांक २०९१२ नागपूर-इंदोर वंदे भारत गाडी नागपूरहून १५.३० वाजता सुटेल आणि इटारसीला १९.०० वाजता, भोपाळला २०.४० वाजता, उज्जैन २२.५० वाजता आणि इंदूरला २३.४५ वाजता पोहोचेल.
दिवाळीनंतरही फटाके फुटणार, मध्य प्रदेश विधानसभेचे रणशिंग, सत्ता टिकवण्यासाठी भाजपसमोर कोणती आव्हानं?
गेल्या महिन्यात पंतप्रधान नरेंद्र मोदी यांनी राणी कमलापती स्थानकावरून या ट्रेनला हिरवी झेंडी दाखवली होता. रेल्वेला जनतेचा अभूतपूर्व पाठिंबा मिळेल, अशी अपेक्षा रेल्वेला होती, पण ती अपेक्षा पूर्ण झाली नाही. ट्रेनमधील प्रवाशांची संख्या पन्नास टक्क्यांहून कमी राहिली, त्यानंतर १६ बोगी ट्रेनचे आठ डब्यांमध्ये रूपांतर करण्यात आले, तर भाडेही कमी करण्यात आले. यानंतरही प्रवाशांकडून रेल्वे अधिकाऱ्यांना अपेक्षेप्रमाणे प्रतिसाद मिळाला नाही. त्यामुळे, इंदोर ते नागपूर दरम्यान ही ट्रेन जाहीर करण्यात आलेली आहे.
निवडणूक आयोगातील सुनावणीपूर्वी शरद पवार गटाला दिलासा,मोहम्मद फैजल पुन्हा खासदार, सुप्रीम कोर्टाचा मोठा निर्णय
Read Latest Maharashtra News And Marathi News