म.टा. प्रतिनिधी, नागपूर : वेळ सकाळी साडेचार वाजता. यवतमाळ येथून एक खासगी बस २५ प्रवशांना घेऊन नागपुरातील पंचशील चौकात आली. पावसाचा जोर अधिक असल्याने प्रवासी बसमध्येच बसून होते, मात्र बघता बघता पाण्याची पातळी वाढत गेली. प्रवाशांच्या सिटपर्यंत पाणी पोहचले. मृत्यू समोर बघणाऱ्या प्रवाशांची घाबरगुंडी उडाली. दीड तास त्यांनी हा थरार अनुभवल्यानंतर राज्य आपत्ती प्रतिसाद दल (एसडीआरएफ)च्या चमुने सीताबर्डी ते पंचशील चौक बोटने जात त्यांनी जीवनदान दिले.
पंचशील चौकात यवतमाळ येथून आलेल्या खासगी बसमध्ये सहा महिला आणि इतर पुरुष होते. प्रवास झाल्यानंतर आपल्या घरी जाण्याची त्यांना ओढ होती. शहरातील वेगवेगळ्या भागातील असलेले हे प्रवासी पाऊस कमी होण्याची वाट बघत होते. मात्र वाढत्या पावसाच्या जोरामुळे पाणी बसपर्यंत येऊन पोहोचले. बघता बघता बसच्या आत पाणी शिरू लागले. पाण्याची पातळी वाढत होती, तशी धाकधुकही वाढू लागली. नातेवाईकांना फोनाफोनी सुरू झाली.
प्रशासनापर्यंत ही माहिती पोहोचली. एसडीआरएफचे सहायक कमांडन्ट कृष्णा सोनटक्के यांच्या मार्गदर्शनाखाली सहायक पोलिस निरीक्षक अरुण उसेंडी यांच्या नेतृत्वात सहा जणींची चमू व्हेरायटी चौकात पोहोचली. बोटमध्ये हवा भरण्यात आली. त्यानंतर दोन जवान बोटमध्ये बसले आणि पंचशील चौकाकडे निघाले. बसच्या चारीबाजूंनी पाण्याने वेढा दिला होता.
नागपुरात पावसाचा कहर, १४० जणांची सुटका, ४० मूकबधीर मुलांनाही वाचवलं, प्रशासनाकडून अलर्टदोर बांधून केली सुटका
पंचशील चौकात यवतमाळ येथून आलेल्या खासगी बसमध्ये सहा महिला आणि इतर पुरुष होते. प्रवास झाल्यानंतर आपल्या घरी जाण्याची त्यांना ओढ होती. शहरातील वेगवेगळ्या भागातील असलेले हे प्रवासी पाऊस कमी होण्याची वाट बघत होते. मात्र वाढत्या पावसाच्या जोरामुळे पाणी बसपर्यंत येऊन पोहोचले. बघता बघता बसच्या आत पाणी शिरू लागले. पाण्याची पातळी वाढत होती, तशी धाकधुकही वाढू लागली. नातेवाईकांना फोनाफोनी सुरू झाली.
प्रशासनापर्यंत ही माहिती पोहोचली. एसडीआरएफचे सहायक कमांडन्ट कृष्णा सोनटक्के यांच्या मार्गदर्शनाखाली सहायक पोलिस निरीक्षक अरुण उसेंडी यांच्या नेतृत्वात सहा जणींची चमू व्हेरायटी चौकात पोहोचली. बोटमध्ये हवा भरण्यात आली. त्यानंतर दोन जवान बोटमध्ये बसले आणि पंचशील चौकाकडे निघाले. बसच्या चारीबाजूंनी पाण्याने वेढा दिला होता.
नागपुरात पावसाचा कहर, १४० जणांची सुटका, ४० मूकबधीर मुलांनाही वाचवलं, प्रशासनाकडून अलर्टदोर बांधून केली सुटका
बसमध्ये अडकलेल्या प्रवाशांना बाहेर काढण्यासाठी एसडीआरएफचे पथक दोराच्या साहाय्याने बसपर्यंत पोहोचले. बसमध्ये बसलेले सर्व प्रवासी घाबरलेले होते. त्यांना धीर देण्यात आला. एकावेळी ८ प्रवाशांना बोटमध्ये बसविण्यात आले. जीव वाचविण्यासाठी आरडाओरड सुरू झाली. एसडीआरएफच्या पथकाने सर्वांना शांत केले. तीन फेऱ्या मारून त्या सर्व प्रवाशांना सुखरूप बाहेर काढण्यात आले, असे अरुण उसेंडी यांनी सांगितले.
दरम्यान, नागपूरमध्ये १०० मिलीमीटरपेक्षा अधिक पाऊस झाल्यानं पुराचा फटका बसला. आजच्या पुरामध्ये नागपूरमध्ये दोन महिलांचा मृत्यू झाला आहे. तर, काही जनावरं देखील दगावली असल्याची माहिती आहे.
Nagpur Rain: नागपुरात तुफान पाऊस, सगळीकडे दाणादाण, फडणवीसांनी मुंबईतून सूत्रे फिरवली, यंत्रणा हलली