कोल्हापूर : जिल्हा प्रशासनाने बंदी घातलेली असतानाही पोलिसांनी हुज्जत घालून, बॅरिकेड्स तोडून हिंदुत्ववादी संघटनांच्या कार्यकर्त्यांनी पंचगंगा नदीत गणेश मुर्तीचं विसर्जन केलं. यावेळी पोलिसांनी हिंदुत्ववादी संघटनांच्या कार्यकर्त्यांना समजावण्याचा प्रयत्न केला पण कार्यकर्ते ऐकायला तयार नव्हते. त्यामुळे परिसरात काही काळ तणावाचं वातावरण निर्माण झालं होतं.
कोल्हापूर जिल्ह्यात आज ५ दिवसांच्या गणपती बाप्पाला अतिशय भक्तिमय वातावरणात निरोप देण्यात आला. गणपती बाप्पा मोरया-पुढच्या वर्षी लवकर या म्हणत भक्तांनी आपल्या गणपती बाप्पाचं विसर्जन केले. यासाठी महानगरपालिकेच्या वतीने १६० हून अधिक ठिकाणी कृत्रिम कुंड बसवण्यात आले होते. मात्र हिंदू परंपरेप्रमाणे आम्ही गणपती पंचगंगेच्या वाहत्या पाण्यातच विसर्जन करणार अशी भूमिका हिंदुत्ववादी संघटनांनी घेतली. गेल्या दोन ते तीन वर्षांपासून पंचगंगा नदीमध्ये गणपती मूर्ती विसर्जन करण्यासाठी घालण्यात आलेली बंदी जुगारून बॅरिकेड्स तोडत हिंदुत्ववादी कार्यकर्त्यांनी पंचगंगा नदी घाट गणपती विसर्जनासाठी खुला केला. यावेळी पोलीस आणि हिंदुत्ववादी संघटनांच्या पदाधिकाऱ्यांमध्ये जोरदार वाद झाला.बॅरिकेड्स तोडले, पंचगंगा नदीत गणपती मुर्तीचं विसर्जन
पंचगंगेचे प्रदूषण केवळ गणपती विसर्जनामुळेच होतं का? हिंदुत्ववाद्यांचा प्रश्न
कोल्हापूर जिल्ह्यात आज ५ दिवसांच्या गणपती बाप्पाला अतिशय भक्तिमय वातावरणात निरोप देण्यात आला. गणपती बाप्पा मोरया-पुढच्या वर्षी लवकर या म्हणत भक्तांनी आपल्या गणपती बाप्पाचं विसर्जन केले. यासाठी महानगरपालिकेच्या वतीने १६० हून अधिक ठिकाणी कृत्रिम कुंड बसवण्यात आले होते. मात्र हिंदू परंपरेप्रमाणे आम्ही गणपती पंचगंगेच्या वाहत्या पाण्यातच विसर्जन करणार अशी भूमिका हिंदुत्ववादी संघटनांनी घेतली. गेल्या दोन ते तीन वर्षांपासून पंचगंगा नदीमध्ये गणपती मूर्ती विसर्जन करण्यासाठी घालण्यात आलेली बंदी जुगारून बॅरिकेड्स तोडत हिंदुत्ववादी कार्यकर्त्यांनी पंचगंगा नदी घाट गणपती विसर्जनासाठी खुला केला. यावेळी पोलीस आणि हिंदुत्ववादी संघटनांच्या पदाधिकाऱ्यांमध्ये जोरदार वाद झाला.
गोपीचंद पडळकर म्हणाले, लांडग्याचं पिल्लू, अजित पवार यांच्याकडून पहिल्यांदाच प्रत्युत्तर
बॅरिकेड्स तोडले, पंचगंगा नदीत गणपती मुर्तीचं विसर्जन
गेल्या काही वर्षात पंचगंगा नदीच्या प्रदूषणात मोठ्या प्रमाणात वाढ झाली आहे. अशातच प्लास्टर ऑफ पॅरिसच्या मुर्त्या पंचगंगेत विसर्जित केल्या तर आणखी प्रदूषणात वाढ होऊ शकते, त्यामुळे कोल्हापूर प्रशासनाने पंचगंगा नदीमध्ये गणपती मूर्ती विसर्जनावर बंदी घातली होती. ही बंदी गेल्या दोन ते तीन वर्षापासून होती. शहरातील सर्व गणेश मूर्त्या विसर्जनादिनी इराणी खण येथे विसर्जित करण्यात येत होत्या. मात्र यंदाच्या वर्षी कोणत्याही परिस्थितीत हिंदू परंपरेनुसार गणेश मूर्तीचे विसर्जन हे नदीच्या वाहत्या पाण्यातच करणार असा इशारा हिंदुत्ववादी संघटनांकडून प्रशासनाला देण्यात आला होता. मात्र तरीही प्रशासनाने उच्च न्यायालयाच्या आदेशानुसार पंचगंगा नदी प्रदूषणचे रोखण्यासाठी यंदा देखील पंचगंगा घाट परिसर बॅरिकेटिंग लावून बंद केला होता.
मात्र सकाळपासूनच हिंदुत्ववादी कार्यकर्त्यांनी पंचगंगा घाट परिसरात येऊन पंचगंगा घाट गणपती मूर्ती विसर्जनासाठी खुला करावा, अशी मागणी केली. शिवाय सायंकाळी चार वाजेपर्यंत सदरचा घाट खुला करावा नाहीतर आम्ही करू, असा इशाराही त्यांनी दिला. मात्र प्रशासनाने हा घाट खुला न केल्याने आक्रमक झालेल्या हिंदुत्ववादी कार्यकर्त्यांनी बॅरिकेड्स तोडत पंचगंगा घाट गणपती मूर्ती विसर्जनासाठी खुला केला. यावेळी हिंदुत्ववादी संघटनेचे पदाधिकारी आणि पोलीस यांच्यामध्ये वाद झाला. यावेळी परिसरात प्रचंड तणावाचे वातावरण निर्माण झाले होते.
निवृत्त अभियंत्यांना राज्य सरकारचा दणका, आधी टक्का, नंतर ठेका, आता लाड बंद…!
पंचगंगेचे प्रदूषण केवळ गणपती विसर्जनामुळेच होतं का? हिंदुत्ववाद्यांचा प्रश्न
पंचगंगा नदीमध्ये गेल्या दोन ते तीन वर्षांपासून गणेश मूर्ती विसर्जनावर बंदी घालण्यात आली आहे. ही बंदी पंचगंगा नदीबद्दल वाढत असलेल्या प्रदूषणाचे कारण देत घालण्यात आली होती. मात्र हिंदुत्ववादी कार्यकर्त्यांनी यावर आक्षेप घेत पंचगंगेचे प्रदूषण हे केवळ गणेश मूर्तींमुळेच होतं का? असा सवाल प्रशासनाला विचारला. याशिवाय गेली दोन ते तीन वर्ष आम्ही त्यांचे आदेश पाडून गणपती मूर्ती पंचगंगेत विसर्जित केले नाहीत. मात्र असे असले तरी पंचगंगेच्या प्रदूषण कमी करण्यात प्रशासनाला अपयश आलं याउलट प्रदूषणात वाढच होत गेली. शहरातील सर्व नाले नदीत येऊन मिसळतात. याशिवाय साखर कारखान्याचे केमिकलयुक्त पाणी नदीत मिसळते तिकडे प्रशासनाचे लक्ष का देत नाही, असा सवाल हिंदुत्ववादी संघटनेचे नेते संभाजी उर्फ बंडा साळुंखे यांनी विचारला. शिवाय अनंत चतुर्थीच्या दिवशी देखील मंडळाच्या सर्व गणेश मूर्ती पंचगंगेतच विसर्जित करणार, असा इशारा त्यांनी प्रशासनाला दिला आहे.