कोल्हापूर: अस्सल चामड्याची आणि हाताने तयार केलेली कोल्हापुरी पायतान ही राज्यातच नाही तर संपूर्ण देशात प्रसिद्ध आहे. चप्पलवर करण्यात आलेली बारकाईने करण्यात आलेली कलाकुसर आणि यामुळे चपलेला आलेल सौंदर्य अधिकच खुलत यामुळेच या आधीच कोल्हापूरच्या चपलेला जीआय मानांकन मिळाला असून आता राजधानी दिल्लीत होणाऱ्या जी-२० परिषदेच्या निमित्ताने भरणाऱ्या हस्तकला बाजारात खास कोल्हापुरी चप्पल वस्तू विक्रीसाठी उपलब्ध झाले आहेत. यामुळे परदेशी पाहुण्यांनाही कोल्हापुरी चप्पल भुरळ घालणार आहे.
सोबतच चंबा रुमाल, मधुबनी पेंटिंग्ज, लाख बांगड्या, तंजावर पेंटिंग्जपासून पैठणी साडी, कोल्हापुरी चप्पलपर्यंत अनेक उत्पादनांचे प्रदर्शन व विक्री होणार असून या प्रदर्शन तथा विक्रीच्या माध्यमातून राज्ये व केंद्रशासित प्रदेशांद्वारे प्रदर्शित केल्या जाणाऱ्या प्रत्येक उत्पादनाची बाजारपेठ क्षमता वाढवण्याचा केंद्र सरकारचा प्रयत्न आहे. या बाजाराच्या माध्यमातून देशभरातील सर्वोत्कृष्ट हस्तकला वस्तू एकाच छताखाली विक्रीसाठी उपलब्ध होतील. ‘एक जिल्हा, एक उत्पादन’ (ओडीओपी) योजनेंतर्गत उत्पादनांवर विशेष लक्ष केंद्रित करण्यात आले आहे.
गेल्या काही महिन्यांपूर्वीच केंद्र सरकारच्या हस्तकला आयुक्त कार्यालयाने कोल्हापूर जिल्ह्यातील ३२ कारागिरांना जीआय मानांकन प्रमाणपत्र देण्यात आले होते. भौगोलिक स्थान निश्चिती निकषानुसार कोल्हापुरी चप्पल बनवणारे शासनाने अधिकृत केलेल्या कारागीरांना जी आय मानांकन आणि प्रमाणपत्र देण्यात आले असून कोल्हापूर चप्पलेला राष्ट्रीय स्तरावर हस्तकलेचा उत्तम नमुना म्हणून मान्यता मिळाली आहे आणि आता आंतरराष्ट्रीय पाहुण्यांनाही जी-२० परिषदेच्या निमित्ताने कोल्हापुरी हस्तकाला पाहायला मिळणार असल्याने कोल्हापूरच्या शिरपेचात मानाचा तुरा रोवला गेला आहे.