जनसंवाद यात्रा कोल्हापूर शहरात:
काँग्रेस नेते राहुल गांधी यांनी भारत छोडो यात्रा काढली आणि याच धर्तीवर महाराष्ट्र काँग्रेसने जनसंवाद यात्रा काढण्यास सुरुवात केली आहे. कोल्हापूर जिल्हा काँग्रेसच्या वतीने जिल्ह्यात जनसंवाद पदयात्रा काढली जात आहे. ही पदयात्रा विविध तालुक्यातून आज कोल्हापूर शहरात आली शहरातील जुना वाशी नाका येथील आपटे नगर येथून सुरू झालेली जनसंवाद यात्रा साने गुरुजी वसाहत, क्रशर चौक, बिन खांबी गणेश मंदिर, महाद्वार रोड, महानगरपालिका चौक, सीपीआर चौक मार्गे दसरा चौकात आली. ही जनसंवाद यात्रा काँग्रेस नेते सतेज पाटील यांच्या नेतृत्वात संध्याकाळच्या सुमारास सुरू झाली. यावेळी डोक्यावर पाऊस, हलगीचा दणदणाट, ढोल ताशाचा गजर, ठिकठिकाणी काँग्रेस कार्यकर्त्यांकडून होत असलेली फुलांची उधळण आणि महिलांकडून प्रत्येक चौकात सतेज पाटील यांचे होत असलेले औक्षण अशा उत्साह पूर्ण वातावरणात पदयात्रेत पाहायला मिळाले. तर महाविकास आघाडी मधील राष्ट्रवादी काँग्रेस पक्ष शरद पवार गटाकडून आणि शिवसेना ठाकरे गटाकडून या यात्रेचे जोरदार स्वागत करण्यात आले. ही जनसंवाद पदयात्रा पुढे दसरा चौकात सभेत रूपांतरित झाली…
स्वातंत्र्यापासून आम्ही बंधुभाव जोपासला होता :
दसरा चौकातील सभेत आमदार सतेज पाटील यांनी केंद्र सरकार आणि राज्य सरकारवर जोरदार टीका केली असून सध्याच्या वातावरणात सर्वसामान्यांना सर्वसामान्यांचा पक्ष म्हणून काँग्रेसचा आधार वाटतो हे या यात्रेच्या माध्यमातून दिसून येत आहे. स्वातंत्र्यापासून आम्ही जो बंधुभाव जोपासला होता तो सत्तेत बसलेला पक्ष कमी करण्याचा प्रयत्न करत आहे. हे देशाच्या दृष्टीने दुर्दैवी आहे. डॉ. बाबासाहेब आंबेडकर यांनी लिहिलेली घटना आपल्याला वाचवायची असेल तर भविष्यात आपल्याला या पुरोगामी विचारांची भूमिका घेऊन पुढे जावं लागेल. गेल्या नऊ वर्षात महागाईने सर्वसामान्यांची कंबरडं मोडला आहे. रक्षाबंधनला दोनशे रुपये गॅस सिलेंडरचे दर कमी झाले मात्र येत्या काळात इंडिया आघाडीच्या जशा बैठका होतील त्यानुसार सत्ताधाऱ्यांकडून आणखी महागाई कमी करण्यात येईल. कारण भाजपला २०२४ ची निवडणूक ही महत्त्वाची असून त्याला अनुसरून काम भाजप करत आहे, असंही ते म्हणाले.
Maratha Protest : अंतरवाली सराटी आंदोलकांवरील लाठीचार्ज प्रकरण हायकोर्टात, कुणी केली फौजदारी जनहित याचिका?अमृत हे केवळ दोन लोकांच्या नशिबी आला
आपला जिल्हा हा पुरोगामी विचारांचा आणि शाहू महाराजांचा विचारांचा पाईक असलेला जिल्हा आहे. शिवराज्याभिषेक दिना दिवशी कोल्हापूर राज्य घडलं त्याचा निषेध आपण तेव्हाच व्यक्त केला. मात्र येणार वर्ष हे निवडणुकांचे वर्ष असणार आहे. आणखी काही फटाकडे वाजवण्याचा प्रयत्न भाजपच्या वतीने होतील. मात्र आपल्याला दक्ष रहावं लागेल. केंद्र सरकार म्हणते हा अमृतकाळ सुरू आहे. मात्र, अमृत हे केवळ दोन लोकांच्या म्हणजे अदानी आणि अंबानी नशिबी आला आहे आणि काळ हा १२० कोटी जनतेच्या नशिबी आला आहे, असे म्हणत जोरदार टीका त्यांनी केली आहे. तसेच गेल्या ९ वर्षांत नथुराम गोडसेचा उदो उदो करण्याचा प्रयत्न होत आहे. त्यांची जयंती पुण्यतिथी साजरी केली जात आहे जुना इतिहास पुसून नवीन इतिहास दाखवण्याचा प्रयत्न केला जात असल्याचा आरोप ही यावेळी सतेज पाटील यांनी केला आहे.
Morocco Earthquake : मोरक्कोत भूकंपानं हाहाकर, १०३७ जणांचा मृत्यू, जागतिक वारसा स्थळाचंही नुकसान