उत्तर प्रादेशिक विभाग कार्यालयातील पोलिस निरीक्षकाच्या तक्रारीवरून, समतानगर पोलिस ठाण्यात प्रशासकीय अधिकारी रामकिशन गोस्वामी, नागेश तळवडेकर, विजया चव्हाण, प्रमुख लिपिक अजय राठोड, वरिष्ठ लिपिक अमोल मेश्राम या पाच जणांविरुद्ध सरकारची फसवणूक, पुरावे नष्ट करणे, कट रचणे अशा कलमांतर्गत गुन्हा दाखल केला आहे. आरोपींनी पोलिस नसलेल्या दहा व्यक्तींना पोलिस असल्याचे भासवून त्यांच्या बँक खात्यावर वेतन म्हणून पैसे वळविल्याचा आरोप आहे.

NCP SP : शरद पवारांच्या पक्षात मोठी घडामोड, सर्व प्रवक्त्यांच्या नियुक्त्या बरखास्त, पडद्यामागे काय घडतंय?
आरोपींची गुन्हे पद्धत पाहता, हा घोटाळा केवळ दोन वर्षांपुरता मर्यादित नसल्याचे पोलिसांचे म्हणणे आहे. जुन्या सेवार्थ प्रणालीदरम्यान त्यांनी हा गैरव्यवहार केला. मात्र त्यापूर्वी सर्व काम ऑफलाइन असतानाही, यांनी अफरातफर केल्याचा संशय आहे. म्हणून आरोपींनी याआधी ज्या ज्या कार्यालयांत कर्तव्य बजावले, त्या ठिकाणचा लेखाजोखा तपासला जात आहे. हे ऑडिट झाल्यावर घोटाळ्यातील रकमेचा आकडा वाढण्याची शक्यता आहे. ज्या दहा व्यक्तींच्या नावाने वेतन काढले, त्या कोण, याचा तपास सुरू आहे.

Eknath Shinde: काँग्रेसने माफी मागावी! सुनेत्रा पवार यांच्याबाबतच्या पोस्टवरुन एकनाथ शिंदे यांची मागणी
दोन आरोपी निलंबित
वेतन घोटाळा उघडकीस आल्यानंतर, आरोपींपैकी तत्कालीन प्रमुख लिपिक आणि सध्या मरोळ येथील सशस्त्र पोलिस विभागातील कार्यालय अधीक्षक विजया चव्हाण आणि तत्कालीन कनिष्ठ लिपिक अमोल मेश्राम यांना पोलिस सहआयुक्तांनी निलंबित केले. एका आरोपीने २०२०-२१मध्ये राजीनामा दिला होता. पत्नीची आर्थिक स्थिती चांगली असल्याने नोकरीची आवश्यकता नसल्याचे त्याने नमूद केल्याचे समजते. मात्र, घोटाळा उघडकीस येण्याची चाहूल लागल्याने त्याने नोकरीचा राजीनामा दिला असावा, अशी चर्चा आहे.