Mule Account Fraud: कॉसमॉस बँकेच्या आळंदी शाखेतील बचत खात्याचा वापर ऑनलाइन फसवणुकीतील रक्कम स्वीकारण्यासाठी केला जात असल्याची माहिती पोलिसांना मिळाली होती.
सचिन संजय काळे (वय २५, रा. मोशी) असे आळंदी पोलिसांनी अटक केलेल्या आरोपीचे नाव आहे.
पोलिसांनी दिलेल्या माहितीनुसार, पिंपरी-चिंचवड पोलिस आयुक्तालय अंतर्गत आळंदी पोलिस ठाण्याच्या ‘सायबर सेल’ने ही कारवाई केली. पोलिस आयुक्त विनयकुमार चौबे यांच्या मार्गदर्शनाखाली मोशी येथील गोडाउन चौकाजवळून सचिन काळे याला ताब्यात घेण्यात आले.
Amruta Fadnavis : सुनेत्रा पवारांवर काँग्रेसची ‘गुंगी गुडिया’ म्हणत टीका, अमृता फडणवीस यांची पहिली प्रतिक्रिया
आरोपीने स्वतःच्या नावे वेगवेगळ्या नऊ बँकांमध्ये खाती उघडली होती. या खात्यांचा ताबा सायबर गुन्हेगारांना देऊन त्या बदल्यात मोठे कमिशन तो मिळवत होता. या खात्यांवर आलेली रक्कम तो एटीएम आणि चेकद्वारे काढून थेट टोळीला पुरवत असे. नॅशनल ‘सायबर क्राइम रिपोर्टिंग पोर्टल’वरील माहितीनुसार, या रॅकेटद्वारे देशातील ६५ नागरिकांची १५० कोटी रुपयांची फसवणूक झाली आहे. पिंपरी-चिंचवडसह राज्यभरातच सायबर फसवणुकीच्या प्रकारांत वाढ झाली आहे. या पार्श्वभूमीवर एखादा मोठा आरोपी सापडणे याला महत्त्व प्राप्त झाले आहे.
म्युल अकाउंट म्हणजे काय ?
सायबर भामटे फसवणुकीची रक्कम थेट स्वतःच्या खात्यात न घेता भुलथापा देऊन किंवा कमिशन देऊन इतर व्यक्तींची खाती वापरतात. अशा खात्यांना म्युल अकाउंट म्हणतात.
Mumbai Police Salary Scam: मुंबई पोलिस वेतन घोटाळ्याची व्याप्ती वाढणार; आरोपींच्या कामाचे ऑडिट सुरु, 2 अधिकारी निलंबित
आकडेवारी एका नजरेत
१५० कोटी रुपये —एकूण फसवणूक
६५ जण —(देशभरात) बाधित नागरिक
सचिन काळे (वय २५ वर्षे) —आळंदी पोलिसांनी पकडलेला आरोपी
९ —बँकांमध्ये आरोपीने उघडलेली बँक खाती
१ कोटी १५ लाख —स्वीकारलेली रक्कम
२ —दाखल गुन्हे
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा