म. टा. प्रतिनिधी, छत्रपती संभाजीनगर : अंकाई ते करंजगाव आणि करंजगाव ते छत्रपती संभाजीनगरपर्यंतच्या रेल्वे मार्गाच्या दुहेरीकरणासाठी दोन निविदा जाहीर करण्यात आलेल्या आहेत. आठशे कोटी रुपये खर्च करून दुहेरीकरणासह विद्युतीकरणाचेही काम करण्याचे नियोजन आहे. वर्ष २०२६पर्यंत दुहेरीकरण पूर्ण करण्याचे नियोजन रेल्वे विभागाने केले आहे.
मराठवाड्यातील सर्वांत जुना असलेल्या रेल्वे मार्गाचे दुहेरीकरण गेल्या अनेक वर्षांपासून रखडले होते. रेल्वेने अंकाई ते छत्रपती संभाजीनगर दरम्यान दुहेरीकरणाची घोषणा केली होती. या घोषणेनुसार अंकाई ते करंजगाव आणि करंजगाव ते छत्रपती संभाजीनगर रेल्वे मार्गावर वेगवेगळ्या निविदा प्रसिद्ध करण्यात आल्या आहेत. यातील अंकाई ते करंजगाव दरम्यान ६९.०१ किलोमीटर मार्गासाठी असलेली निविदा ही ४३८ कोटी तीन लाख ३० हजार ३९७ रुपयांची आहे. याशिवाय करंजगाव ते छत्रपती संभाजीनगर दरम्यान ११३ किलोमीटरच्या कामासाठी ४३४ कोटी एक लाख ३३ हजार ४२८ रुपयांची निवीदा जाहीर करण्यात आली आहे. या दोन्ही कामांमध्ये विद्युतीकरणाचेही काम केले जाणार आहे. ही निविदा प्रक्रिया २७ ऑक्टोबरला केली जाणार आहे. या अंतर्गत छोटे पूल, मोठे पूल, रेल्वे भुयारी मार्ग, उड्डाणपूल याशिवाय छोट्या रेल्वे स्टेशनच्या विकासाचेही काम करण्यात येणार आहे.
मराठवाड्यातील सर्वांत जुना असलेल्या रेल्वे मार्गाचे दुहेरीकरण गेल्या अनेक वर्षांपासून रखडले होते. रेल्वेने अंकाई ते छत्रपती संभाजीनगर दरम्यान दुहेरीकरणाची घोषणा केली होती. या घोषणेनुसार अंकाई ते करंजगाव आणि करंजगाव ते छत्रपती संभाजीनगर रेल्वे मार्गावर वेगवेगळ्या निविदा प्रसिद्ध करण्यात आल्या आहेत. यातील अंकाई ते करंजगाव दरम्यान ६९.०१ किलोमीटर मार्गासाठी असलेली निविदा ही ४३८ कोटी तीन लाख ३० हजार ३९७ रुपयांची आहे. याशिवाय करंजगाव ते छत्रपती संभाजीनगर दरम्यान ११३ किलोमीटरच्या कामासाठी ४३४ कोटी एक लाख ३३ हजार ४२८ रुपयांची निवीदा जाहीर करण्यात आली आहे. या दोन्ही कामांमध्ये विद्युतीकरणाचेही काम केले जाणार आहे. ही निविदा प्रक्रिया २७ ऑक्टोबरला केली जाणार आहे. या अंतर्गत छोटे पूल, मोठे पूल, रेल्वे भुयारी मार्ग, उड्डाणपूल याशिवाय छोट्या रेल्वे स्टेशनच्या विकासाचेही काम करण्यात येणार आहे.
– अंकाई ते करंजगाव आणि करंजगाव ते छत्रपती संभाजीनगर या दोन वेगवेगळ्या निविदा
– दोन्ही निविदांनुसार दोन्ही बाजूचे काम केले जाणार आहे.
– निविदेत संबंधित काम ३० महिन्यांत पूर्ण करण्याबाबत नमूद केले आहे.
– या रेल्वे मार्गाचे दुहेरीकरणाचे काम २०२६पर्यंत पूर्ण होण्याची शक्यता.
ST प्रवासी वाहतुकीचा ‘टॉप गिअर’; उत्कृष्ट आगारात राज्यात टॉप-३मध्ये कोणाचा नंबर?
एकेरी रेल्वेमार्गामुळे मनस्ताप
परभणी ते मनमाड दरम्यान रेल्वेमार्ग एकेरी आहे. यामुळे या रेल्वेमार्गावर रेल्वेगाड्यांची संख्या वाढविण्यासाठी अडचणी येत असतात. शिवाय एखादी रेल्वेत तांत्रिक दोषामुळे बंद पडल्यास या मार्गावरील वाहतुकीवर परिणाम होतो. या रेल्वे मार्गाचे दुहेरीकरण झाल्यास येथील रेल्वेगाड्यांची संख्या वाढवता येणार आहे.