अत्याचार करणाऱ्या व्यक्तीने पीडितेला धमकी दिली. ही गोष्ट आईला सांगितली तर तुला मारून टाकीन, अशी धमकी दिली. त्यामुळे पीडिता ही दिवसभर घाबरलेल्या अवस्थेत होती. नववीतल्या मुलीला असह्य वेदना होत होत्या. दुपारी दोनच्या सुमारास पीडितेची आई घरी आली. तेव्हा तिने घाबरून काही सांगितले नाही. पिडीता ही शनिवारी दिवसभर असह्य वेदना सहन करत होती. शनिवारी रात्री १० वाजता झोपेतून उठून तिने रडत सगळा प्रकार आईला सांगितला. शेजारी राहणाऱ्या व्यक्तीने शर्ट शिवण्याचा बहाणा करून अत्याचार केला. पीडितेच्या आईने रविवारी सकाळी शेजारी राहणाऱ्या नातलगांशी चर्चा करून पीडिता आणि तिच्या आईने जोडभावी पोलीस ठाण्यात धाव घेऊन तक्रार दाखल केली. जोडभावी पेठ पोलिसांनी अत्याचार करणाऱ्या संशयित आरोपीला ताबडतोब ताब्यात घेऊन त्याच्याविरुद्ध गुन्हा नोंदवला. या प्रकरणाचा अधिक तपास महिला फौजदार संगीता व्हट्टे करीत आहेत.