पुन्हा संसार सुरू करु…

घटनेबाबत मिळालेल्या माहितीनुसार, अर्चना आणि विशाल हे दोघं गेल्या दीड वर्षांपासून कौटुंबिक वादामुळे अलिप्त राहत होते. विशाल हा मोठ्या मुलासह नाशिकमध्ये राहत होता, तर पत्नी अर्चना कल्याणमधील उंबर्डे गावातील केडीएमसी गार्डनजवळील एका चाळीत राहून घरकाम करून आपल्या पाच वर्षांच्या मुलीचा सांभाळ करत होती. दरम्यान, 11 मार्च बुधवारी रोजी विशाल नाशिकहून कल्याणमध्ये पत्नीला भेटण्यासाठी आला होता. पुन्हा एकत्र राहून संसार सुरू करण्याची विनवणी त्याने अर्चनाजवळ केली. मात्र, अर्चनाने त्याला या गोष्टीसाठी नकार दिल्याने दोघांमध्ये जोरदार वाद झाला. या वादातून संतप्त झालेल्या विशालने आपली पत्नी अर्चनावर चाकूने हल्ला करून तिची हत्या केल्याचं पोलीस तपासात समोर आलं आहे.Pune Lift Accident CCTV : लहान बाळाचा हात लिफ्टच्या दारात अडकला, पुण्यातील सोसायटीत गोंधळ, सुदैवाने गंभीर प्रसंग टळला

हत्या केल्यानंतर आरोपी फरार

दरम्यान, पत्नीची हत्या केल्यानंतर आरोपी विशाल नाशिकलापळून गेला आणि तेथील पोलीस ठाण्यात जाऊन ‘मी माझ्या बायकोला मारून आलो आहे’, अशी कबुली दिली. यानंतर नाशिक पोलिसांनी तत्काळ कल्याणमधील खडकपाडा पोलीस ठाण्याशी संपर्क साधला आणि खडकपाडा पोलिसांचे पथक उंबर्डे परिसरातील घटनास्थळी पोहोचले असता अर्चना भुतकर हिचा मृतदेह रक्ताच्या थारोळ्यात आढळून आला. त्यानंतर अर्चनाच्या नातेवाईकांनी तिची ओळख पटवली.

Nashik Accident: तीर्थयात्रेसाठी उत्तर प्रदेशात गेलेल्या नाशिकमधील ५० भाविकांच्या बसला अपघात; एकाचा मृत्यू, अनेकजण जखमी

या प्रकरणी मयत अर्चनाचा मामेभाऊ याने दिलेल्या तक्रारीवरून खडकपाडा पोलीस ठाण्यात हत्येचा गुन्हा दाखल केला असून पोलीस उपआयुक्त अतुल झेंडे यांच्या आदेशानुसार तपास पथक नाशिकला रवाना करण्यात आले. त्यानंतर पोलिसांनी विशाल भुतकर याला तिथून अटक केली. आरोपीकडून गुन्ह्यात वापरलेला चाकू, मोटारसायकल आणि मोबाईल असा मुद्देमाल जप्त करण्यात आला आहे. या प्रकरणातील सर्वात मोठी बाब म्हणजे, विशाल आणि अर्चनाचा असलेल्या नऊ वर्षांच्या मुलासमोर ही घटना घडली, आणि या घटनेचा तो प्रत्यक्षदर्शी साक्षीदार असल्याचं तपासात समोर आलं आहे.