जी. श्रीकांत म्हणाले, ‘आवास योजनेसाठी प्राप्त झालेल्या निविदांचे फायनांशियल बीड उघडण्यात आले. साधारणपणे साडेनऊ लाख रुपयांना एक घरकुल मिळेल असे यावरून लक्षात आले आहे. किमतीमध्ये थोडे कमी जास्त होऊ शकेल.’ ‘पूर्वी एका घरकुलासाठी १४ ते १५ लाख इतकी किंमत आली होती. त्या वेळी घरकुलाच्या इमारती चार मजलीच असाव्यात अशी संकल्पना होती. आता इमारतीची उंची वाढवण्याचा निर्णय घेतला आहे. सात मजली इमारत असणार आहे. इमारतीची उंची वाढल्यामुळे घराच्या किमती कमी झाल्या आहेत,’ असा दावा त्यांनी केला.

‘शासनाकडून अडीच लाख रुपयांची सबसिडी मिळणार आहे, त्यामुळे सबसिडीची रक्कम वजा केल्यास आवास योजनेतील घर संबंधित लाभार्थ्याला सात लाख रुपयांतच मिळेल, सात लाख रुपयांचे कर्ज लाभार्थ्यला काढावे लागेल. एका घरकुलाचे क्षेत्रफळ ३० चौरस मीटर असणार आहे. अल्प उत्पन्न गटातील व्यक्तीसाठीच हे घर असेल असे त्यांनी स्पष्ट केले. सुमारे अकरा हजार घरांचे बांधकाम केले जाईल. बांधकाम करताना प्रत्येक इमारतीत पार्किंगची स्वतंत्र व्यवस्था केली जाणार आहे. दुचाकी वाहन, ॲटो रिक्षा, टमटम ही वाहने पार्किंगच्या जागेत व्यवस्थीतपणे उभी करता येतील,’ असे जी. श्रीकांत यांनी सांगितले.
गुड न्यूज! पुण्यातील ९ लाख लाभार्थ्यांना ‘आनंदाचा शिधा’, गणेशोत्सवासह दिवाळी होणार गोड
‘प्रधानमंत्री आवास योजनेबद्दल पालिकेने केलेल्या तयारीचे सादरीकरण लोकप्रतिनिधींसमोर केले जाईल. त्यांनी काही सूचना केल्यास त्याचा विचार करून धोरण निश्चित केले जाईल,’ असेही ते म्हणाले.

‘प्रधानमंत्री आवास योजनेअंतर्गत हक्काचे घर घेऊ इच्छिणाऱ्या लाभार्थ्यांना सात लाख रुपयांत घर मिळू शकेल. आवास योजनेअंतर्गत सुमारे अकरा हजार घरे बांधण्यात आहेत. एक इमारत सात मजल्यांची आहे. प्रत्येक इमारतीला लिफ्टची सोय देण्यात येणार आहे. किमतीमध्ये थोडेफार कमी-अधिक होऊ शकते.- जी. श्रीकांत, प्रशासक, महापालिका