त्यात कॅप्शन लिहिलं की, “याच्यासाठी, त्याच्यासाठी, नुसताच पळत होता. सगळेच गेले घरी निघून हा एकटाच जळत होता”. कुटुंबियांना मित्र परिवाराला याचा अर्थ कळायच्या आधीच त्याच रात्री बारा वाजताच्या सुमारास गावातीलच सार्वजनिक विहिरीत उडी घेतली. तरुणाच्या या दुर्दैवी मृत्यूमुळे गावात हळहळ व्यक्त केली जात आहे. घटनेची माहिती सिंदेवाही पोलिसांना देण्यात आली. पोलिसांनी घटनास्थळ गाठून पंचनामा केला. दिनेशच्या मृत्यूपश्चात आई, वडील आणि लहान भाऊ असा परिवार आहे. आई-वडिलांचे स्वप्न साकारण्यासाठी दिनेश चावरे या तरुणाने कृषी पदविका अभ्यासक्रम पूर्ण केला. तंत्रनिकेतनचे शिक्षण सुरू असताना त्याने कृषी सेवक पदासाठी परीक्षा दिली. यात तो उत्तीर्णही झाला. त्याला नोकरीवर रुजू होण्याचे पत्रही मिळाले. कुटुंबात आनंदाचे वातावरण होते. मात्र, नियतीला ते मंजूर नव्हते. त्याला ओस्टिओमायलिटिस हा आजार झाला. त्याच्या नैराश्यातून त्याने जीवन संपवलं.