धाराशिव: मुलीला ५ महिन्यांपासून मासिक पाळी आलीच नाही म्हणून आईला संशय आला. मुलीला वैद्यकीय तपासणीसाठी धाराशिव येथील स्त्री रुग्णालयात नेण्यात आले. त्यात मुलगी साडेचार महिन्यांची गरोदर असल्याचे तपासणी अहवालात समोर आले. अन् पायाखालची जमीनच सरकली. पिडीत मुलीला विश्वासात घेऊन आई-वडिलांनी विचारले असता धक्कादायक प्रकार समोर आला आहे.
विकृतीचा कळस! ५ वर्षीय मुलासोबत स्वच्छतागृहात नको ते कृत्य; शाळेचा डान्स टीचर अटकेत
मिळालेल्या माहितीनुसार, इयता ९ वी मध्ये शिकणारी १६ वर्षीय पिडीता शाळेत जाते. वाटेत आरोपी स्वानंद रघुनाथ गाढवे (२८,राहणार तांदुळवाडी, तालुका वाशी जि. धाराशिव) याच्या भावाचे मटण दुकान आहे. आरोपी या दुकानात नियमीत बसत असे. अगोदर ओळख झाली नंतर ओळखीचे रुपांतर प्रेमात झाले. मार्च ते एप्रिल २०२३ मध्ये रात्री ११.०० ते १२.०० वाजण्याच्या सुमारास पिडीत मुलीच्या घराजवळील पडीक जागेवर नेऊन आरोपीने जबरदस्तीने तिच्यावर लैंगिक अत्याचार केले. तसेच ही गोष्ट घरी सांगितली तर तुला आणि तुझ्या आई-वडिलांना जिवंत सोडणार नाही, अशी धमकी दिली.
विकृतीचा कळस! ५ वर्षीय मुलासोबत स्वच्छतागृहात नको ते कृत्य; शाळेचा डान्स टीचर अटकेतमिळालेल्या माहितीनुसार, इयता ९ वी मध्ये शिकणारी १६ वर्षीय पिडीता शाळेत जाते. वाटेत आरोपी स्वानंद रघुनाथ गाढवे (२८,राहणार तांदुळवाडी, तालुका वाशी जि. धाराशिव) याच्या भावाचे मटण दुकान आहे. आरोपी या दुकानात नियमीत बसत असे. अगोदर ओळख झाली नंतर ओळखीचे रुपांतर प्रेमात झाले. मार्च ते एप्रिल २०२३ मध्ये रात्री ११.०० ते १२.०० वाजण्याच्या सुमारास पिडीत मुलीच्या घराजवळील पडीक जागेवर नेऊन आरोपीने जबरदस्तीने तिच्यावर लैंगिक अत्याचार केले. तसेच ही गोष्ट घरी सांगितली तर तुला आणि तुझ्या आई-वडिलांना जिवंत सोडणार नाही, अशी धमकी दिली.
वारंवार अत्याचार केल्यामुळे पिडीत मुलगी गरोदर राहिली. पिडीत मुलीने दि. २१.०८.२०२३ रोजी दिलेल्या तक्रारीवरुन वाशी पोलीस ठाणे येथे भारतीय दंड विधान संहिता कलम-३७६, (२)(एन), ३७६(३), ५०६ सह ४, ६, ८, १२ बाल लैंगिक अत्याचार प्रतिबंधक अधिनियम अन्वये गुन्हा नोंदवला आहे. गुन्हा दाखल होताच वाशी पोलिसांनी आरोपीला अटक केली असून न्यायालयाने आरोपीस २५ आँगस्टपर्यंत पोलीस कोठडी सुनावली आहे. या प्रकरणाचा तपास पोलीस उपविभागीय अधिकारी गौरी प्रसाद यांच्या मार्गदर्शनाखाली पिंक पथक PSI किसन जगताप पोलीस काँन्स्टेबल राम नागटिळक हे करत आहेत.