देवगड-जामसंडे नगरपंचायतीच्या नगराध्यक्षपदी शिवसेनेच्या साक्षी प्रभू यांनी भाजपाच्या प्रणाली माने यांचा ९ विरुध्द ८ मतांनी पराभव केला आणि नगराध्यक्षपदी साक्षी प्रभू विराजमान झाल्या होत्या.तर उपनगराध्यक्षपदाच्या निवडीमध्ये महाविकास आघाडीच्या मिताली सावंत यांनी भाजपाच्या अरुणा पाटकर यांचा ९ विरुध्द ८ मतांनी पराभव करत उपनगराध्यक्षपदी मिताली सावंत विराजमान झालेल्या आहेत.

आता ठाकरे गटाच्या नगराध्यक्ष साक्षी प्रभू, नगरसेवक रोहन खेडेकर शिंदे गटाच्या शिवसेनेत प्रवेश केला आहे.मुख्यमंत्री एकनाथ शिंदेंच्या उपस्थितीत हा प्रवेश करण्यात आज आला आहे.शिवसेना ठाकरे गटाला देवगड मध्ये जोरदार धक्का बसला असून, देवगड नगराध्यक्ष साक्षी प्रभू आणि नगरसेवक रोहन खेडेकर यांनी मुख्यमंत्री एकनाथ शिंदे यांच्या प्रमुख उपस्थितीत शिवसेना पक्षात प्रवेश केला. यावेळी उद्योगमंत्री उदय सामंत, शिक्षण मंत्री दीपक केसरकर, आमदार रवींद्र फाटक, जिल्हाप्रमुख संजय आंग्रे, संदेश पटेल आदी उपस्थित होते.
उच्चशिक्षित घरातील तरुण गायब झाला, रस्तोरस्ती फिरू लागला, पण सोशल मीडियाने जादू केली आणि…
सिंधुदुर्गात शिंदे गटाची ताकद वाढताना पाहायला मिळत आहे.त्यामुळे आगामी काळात राजकीय समीकरणे बदलण्याची शक्यता वर्तवली जात आहे.
रोहितने कोहली साधला निशाणा, Asia Cup चा संघ जाहीर झाल्यावर नेमकं काय म्हणाला जाणून घ्या…