मुंबई : एकनाथ शिंदे यांच्या आजारपणाचं कारण देत त्यांना मुख्यमंत्रिपदावरुन दूर करण्याचे प्रयत्न आहेत, अशी शंका काँग्रेस नेते आणि विधानसभेचे नवनिर्वाचित विरोधीपक्ष नेते विजय वडेट्टीवार यांच्याकडून व्यक्त करण्यात आली आहे. शिंदेंना हटवून उपमुख्यमंत्री अजित पवार यांना मुख्यमंत्री करण्याचा डाव तर नाही ना? असा सवाल वडेट्टीवारांनी बोलून दाखवली.
विजय वडेट्टीवार काय म्हणाले?
“एकूणच मुख्यमंत्री एकनाथ शिंदे यांना परमनंट आरोग्याच्या दृष्टीने अॅडमिट करायचं आणि आरोग्याचं कारण पुढे करुन राजीनामा घ्यायचा आणि अजितदादा पवार यांना मुख्यमंत्री करायचा प्रयत्न तर सुरु नाही ना, अशी शंका घेण्यासाठी पूर्ण वाव आहे” असं विरोधीपक्ष नेते विजय वडेट्टीवार म्हणाले.
शिंदे गटाचं वेगळंच प्लॅनिंग, धनुष्यबाण सोडून ‘या’ चिन्हावर निवडणूक लढणार, शिंदेंच्या खास आमदाराचा गौप्यस्फोट
“कारण मुख्यमंत्री एकनाथ शिंदे यांचा विधिमंडळ अधिवेशन काळातील सहभागसुद्धा अत्यंत कमी होता. तेरा दिवसांच्या अधिवेशन काळात मुख्यमंत्री एकनाथ शिंदे विधानपरिषदेत केवळ दोन वेळा गेले, तर विधानसभेत चार वेळा. त्यांची उपस्थितीही दीड-दोन तासांची होती. ही उपस्थिती, त्यांचा सहभाग, सार्वजनिक कार्यक्रमांना जाणं टाळणं, आराम करायला बाहेर जाणं, तब्येतीची काळजी घेणं शंकास्पद आहे” असं वडेट्टीवार म्हणाले.
ठाकरे अन् शिंदेंच्या शिवसैनिकांकडून अखेर सबुरीची भूमिका; ठाण्यातील झेंडावंदनाचा वाद टळणार, कारण…
“एकनाथ शिंदे हे महाराष्ट्राचे मुख्यमंत्री आहेत, महाराष्ट्राला त्यांच्या तब्येतीची काळजी असते, त्यामुळे याबाबत खुलासा स्पष्ट होणं अपेक्षित आहे. ते एका पक्षाचे नाही तर राज्याचे मुख्यमंत्री आहेत.” असंही विजय वडेट्टीवार म्हणाले.