म. टा. विशेष प्रतिनिधी, मुंबई : राष्ट्रवादी काँग्रेसचे अध्यक्ष शरद पवार आणि उपमुख्यमंत्री अजित पवार यांच्या पुण्यातील भेटीमुळे महाराष्ट्राच्या राजकारणात आणखी नाट्यमय घडामोडी घडणार का, याबाबत शनिवारपासून चर्चा सुरू झाल्या आहेत. मात्र, ही भेट निष्फळ ठरल्याचे खात्रीलायकरित्या समजते. राज्यातील सत्तेत सहभागी होण्याच्या निर्णयाला सहमती देत पवार यांनीही उर्वरित राष्ट्रवादी काँग्रेससह सत्तेत सहभागी व्हावे, असे अजित पवार यांचे प्रयत्न सुरू आहेत. मात्र, शरद पवार यांनी नकार कायम ठेवल्याने अजित पवार यांच्या प्रयत्नांना यश आले नसल्याचे समजते.
शरद पवार आणि अजित पवार यांची शनिवारी पुण्यामध्ये भेट झाल्याच्या पार्श्वभूमीवर राजकीय चर्चा होऊ लागल्या आहेत. मात्र, शरद पवार आपल्या भूमिकेवर ठाम असून, ही चर्चा निष्फळ झाल्याचे समोर येत आहे. याच महिन्याच्या अखेरीस मुंबईत होणाऱ्या ‘इंडिया’ आघाडीच्या बैठकीसाठी ते उद्धव ठाकरे यांच्या नेतृत्वाखालील शिवसेना व काँग्रेस नेत्यांना वेळोवेळी मार्गदर्शनही करत आहेत. त्यांच्या कन्या सुप्रिया सुळेही लोकसभेत नरेंद्र मोदी यांच्या नेतृत्वाखालील भाजपवर कठोर प्रहार करत आहेत. मात्र हे सगळे सुरू असतानाही या दोन्ही गटांनी एकमेकांवर कोणतीही चिखलफेक सुरू केलेली नाही. जणू काहीच घडले नसल्याच्या थाटातच दोन्ही गटांचे राजकीय मार्गक्रमण सुरू आहे. त्यामुळे हे दोन्ही गट एकमेकांच्या संपर्कात असून, दोन्ही दगडांवर पाय ठेवत २०२४च्या लोकसभा निवडणुकीनंतर जो काही निकाल येईल, त्या बाजूने जात पुन्हा एकत्र यायचे असे सामंजस्य आहे, अशी भाजप, शिवसेना, काँग्रेस अशा सगळ्या पक्षांमधील नेत्यांमध्ये उघड चर्चा आहे.
शरद पवार आणि अजित पवार यांची शनिवारी पुण्यामध्ये भेट झाल्याच्या पार्श्वभूमीवर राजकीय चर्चा होऊ लागल्या आहेत. मात्र, शरद पवार आपल्या भूमिकेवर ठाम असून, ही चर्चा निष्फळ झाल्याचे समोर येत आहे. याच महिन्याच्या अखेरीस मुंबईत होणाऱ्या ‘इंडिया’ आघाडीच्या बैठकीसाठी ते उद्धव ठाकरे यांच्या नेतृत्वाखालील शिवसेना व काँग्रेस नेत्यांना वेळोवेळी मार्गदर्शनही करत आहेत. त्यांच्या कन्या सुप्रिया सुळेही लोकसभेत नरेंद्र मोदी यांच्या नेतृत्वाखालील भाजपवर कठोर प्रहार करत आहेत. मात्र हे सगळे सुरू असतानाही या दोन्ही गटांनी एकमेकांवर कोणतीही चिखलफेक सुरू केलेली नाही. जणू काहीच घडले नसल्याच्या थाटातच दोन्ही गटांचे राजकीय मार्गक्रमण सुरू आहे. त्यामुळे हे दोन्ही गट एकमेकांच्या संपर्कात असून, दोन्ही दगडांवर पाय ठेवत २०२४च्या लोकसभा निवडणुकीनंतर जो काही निकाल येईल, त्या बाजूने जात पुन्हा एकत्र यायचे असे सामंजस्य आहे, अशी भाजप, शिवसेना, काँग्रेस अशा सगळ्या पक्षांमधील नेत्यांमध्ये उघड चर्चा आहे.
शनिवारी हे दोन्ही नेते पुण्यात उद्योगपती अतुल चोरडिया यांच्या निवासस्थानी जवळपास पाऊणतास भेटल्याचे पुढे आले. या भेटीदरम्यान राष्ट्रवादीचे नेते जयंत पाटीलही उपस्थित असल्याचे सांगितले जाते आहे. शरद पवार यांनी विरोधकांसोबत राहण्यापेक्षा सत्तेच्या बाजूला यावे व आम्हाला मार्गदर्शन करावे, असा प्रस्ताव या बैठकीत अजित पवार यांनी समोर ठेवला. मात्र त्याला शरद पवारांनी नकार दिला आहे.
विस्ताराच्या हालचाली
राज्यातील मंत्रिमंडळाचा आणखी विस्तार करण्याच्या हालचाली सुरू आहेत. १६ ते १९ ऑगस्टदरम्यान हा विस्तार होण्याची शक्यता आहे. मात्र त्यासाठी पवारांसोबत असलेले अन्य आमदार सोबत घेणे, त्यातील कोणाला मंत्रिपदे द्यावयाची हे निश्चित करणे, अशा गोष्टी ठरवायच्या आहेत. मात्र पवार यांची मर्जी वळविण्यात अद्याप यश न आल्याने विस्ताराविषयी प्रश्नचिन्ह निर्माण झाले आहे.