सातारा लोकसभा मतदारसंघासाठी महविकास आघाडी आहे. आम्ही एकत्र निर्णय घेणार आहे. सातारा जिल्ह्यातील निवडणुकीत २० वर्षे हाताचे चिन्ह नाही. राष्ट्रवादी काँग्रेस पवार साहेबांची आहे, अशी स्थिती आहे. अशा वेळी फूट पडल्यानंतर राष्ट्रवादी काँग्रेस पक्षाच्या कोणत्या गटात खासदार आहेत? हे खा. श्रीनिवास पाटील यांनी सांगावे, अशी मागणी करून आ. भाई जगताप पुढे म्हणाले, राष्ट्रीय काँग्रेसच्या कार्यकर्त्यामध्ये उत्साह आहे. हा सातारा लोकसभा मतदारसंघातील आढावा घेत आहे. देशातील पत्रकारिता थोडी वाईट आहे. पण महाराष्ट्र राज्यातील पत्रकारिता चांगली कामगिरी करीत आहे.

ते पुढे म्हणाले की, राजकीयदृष्ट्या निवडून दिले आहे. त्याविरोधात काँग्रेस पक्षाच्या कार्यकर्त्यांनी चुकीचे धोरण असेल, तर रस्त्यावर लढले पाहिजे. अस्तित्व दाखवले पाहिजे. आघाडीमुळे राष्ट्रीय काँग्रेस पक्षावर अन्याय होत आहे. तरुण वर्ग काँग्रेस सोबत नाही. आताच्या पिढीचा गुगूल गुरू आहे. तरुणाई सोबत घेऊन बुध कमिटी करून चुका दुरुस्त करत आहोत. काँग्रेस पक्षाचे नेते राहुल गांधींची भारत जोडो यात्रा तीन हजार सहाशे किलोमीटर होती. ती तीनशे किलोमीटर काश्मीरमध्ये वाढली. गुप्तचर यंत्रणांनी बॉम्ब हल्ला होईल, असे सांगितले. पोलीस सोडून पाळले होते. एवढ्या खालच्या पातळीचे राजकारण झाले. भारत जोडताना सफेद पोशाख लाल झाला तरी चालेल असे सांगून राहुल गांधी फिरत होते.
कौतुकास्पद! गावाचा सर्वांगीण विकास; महिला सरपंचाचा देशात डंका, आता पंतप्रधानांच्या हस्ते सत्कार
भाई जगताप पुढे म्हणाले की, भाजपला लोकांनी आशेने निवडून दिले पण निराशा केली. ४१८ रुपयांचा सिलेंडर ११३५ रुपयांचा झाला. भाजप महिला नेत्यांच्या तोंडावरची माशी हलत नाही. स्मुर्ती इराणी, चित्रा वाघ या महिलेची धिंड काढली तरी रामायणाच्या आणि धर्माच्या गोष्टी सांगतात. विचार पक्का असेल तर कोणाला घाबरायचे? सर्व्हे बाबत कमी बोललेले बरे. स्थानिक पातळीवर झालेला सर्व्हे खरा असतो. काँग्रेस पक्षाच्या विश्वास वाढला आहे. सोशल मीडियावर भाजप पक्ष एका पोस्टला चाळीस पैसे देतात, म्हणून काही लोक चुकीची माहिती देऊन दिशाभूल करण्याचा प्रयत्न करत आहेत, असा ही आरोप त्यांनी केला.