प्रसाद रानडे, दापोली, रत्नागिरी : ज्येष्ठ कला दिग्दर्शक नितीन देसाई यांच्या अस्थिचे विसर्जन करण्यात आले. देसाई यांनी आपल्या गावी बांधलेल्या मूळ घरी एका शोकसभेचं आयोजन ग्रामस्थांकडून करण्यात आलं होतं. शोकसभेला नितीन देसाई यांचे काका श्रीकांत देसाई, अंकुश देसाई यांचे सख्खे बंधू समीर देसाई आणि त्यांचे अनेक निकटवर्तीय ग्रामस्थ मोठ्या संख्येने उपस्थित होते.
देसाई यांनी आपल्या गावी बांधलेल्या मूळ घरी या शोकसभेचे आयोजन ग्रामस्थांकडून करण्यात आलं होतं. या शोकसभेला नितीन देसाई यांचे काका श्रीकांत देसाई, अंकुश देसाई यांचे सख्खे बंधू समीर देसाई आणि त्यांचे अनेक निकटवर्तीय ग्रामस्थ मोठ्या संख्येने उपस्थित होते.
कर्जत येथून अस्थि कलश दुपारी गावी आणण्यात आला. यावेळी अस्थि कलश पूजन व शोकसभा झाल्यानंतर गावात असलेल्या तीन नद्यांच्या त्रिवेणी संगमावर अस्थि विसर्जन करण्यात आलं. नितीन देसाई हे कायम गावाच्या संपर्कात होते. त्यांची गावाशी असलेली नाळ ही अखेरपर्यंत घट्ट होती.
देसाई यांनी आपल्या गावी बांधलेल्या मूळ घरी या शोकसभेचे आयोजन ग्रामस्थांकडून करण्यात आलं होतं. या शोकसभेला नितीन देसाई यांचे काका श्रीकांत देसाई, अंकुश देसाई यांचे सख्खे बंधू समीर देसाई आणि त्यांचे अनेक निकटवर्तीय ग्रामस्थ मोठ्या संख्येने उपस्थित होते.
कर्जत येथून अस्थि कलश दुपारी गावी आणण्यात आला. यावेळी अस्थि कलश पूजन व शोकसभा झाल्यानंतर गावात असलेल्या तीन नद्यांच्या त्रिवेणी संगमावर अस्थि विसर्जन करण्यात आलं. नितीन देसाई हे कायम गावाच्या संपर्कात होते. त्यांची गावाशी असलेली नाळ ही अखेरपर्यंत घट्ट होती.
यावेळी झालेल्या शोकसभेत नितीन देसाई यांच्याबद्दल अनेक आठवणींना उजाळा देण्यात आला. कर्जत येथे एका मराठी माणसाने उभारलेला स्टुडिओ हा शासनाने आपल्या ताब्यात घ्यावा व कुटुंबीयांना न्याय मिळवून द्यावा अशा भावना उपस्थितांनी व्यक्त केल्या. नितीन देसाई यांच्या जाण्याने गावचे तालुक्याचे नव्हे तर राष्ट्राबरोबरच जगाचंही मोठं नुकसान झालं आहे. एक मोठा कलाकार आपल्यातून निघून गेला आहे आणि त्यांचं स्वप्न त्यांना अपेक्षित असलेले कार्य पुढे नेणं हीच त्यांना खऱ्या अर्थाने आदरांजली ठरेल, अशा भावना यावेळी शोकसभेत ग्रामस्थांनी व्यक्त केल्या.
Nilima Chavan News : डोकं अन् भुवयांवरील केस नव्हते कारण…; नीलिमा चव्हाण मृत्यू प्रकरणी पोलिसांची धक्कादायक माहिती
नितीन देसाई यांना न्याय मिळवून देण्यासाठी त्यांचा स्टुडिओ शासनाने ताब्यात घ्यावा. आणि यासाठी चळवळ उभी करावी लागेल असा निर्धार या शोकसभेत उपस्थित कार्यकर्ते नेते मंडळींनी व्यक्त केला. नितीन देसाई यांचा मृत्यू, त्यांची झालेली एक्झिट ही केवळ गावची तालुक्याचीच नव्हे तर देशाची, जगाची मोठी हानी आहे, अशा भावना नितीन देसाई यांचे काका श्रीकांत देसाई यांनी व्यक्त केल्या.
आर. जी. पवार माटवण हायस्कूल या संस्थेचे नितीन देसाई हे संचालक होते. या संस्थेच्या शिक्षकांनीही नितीन देसाई यांच्याबद्दल आठवणी सांगितल्या. साधा माणूस होता. शाळेच्या चारशे मुलांना घेऊन गेलो त्यावेळेला त्यांनी कर्जत येथील स्टुडिओत दिलेले चार तास हे कायम सगळ्यांच्या स्मरणात राहिले, असा उल्लेख असे शिक्षक म्हणाले.
आमच्या घरातलाच माणूस गेला आहे. आकाश कोसळलेय. नितीन तुम्ही गेलात आम्हाला सगळ्यांना पोरके करून गेलात. आम्ही काय असा गुन्हा केला होता. पण मी सगळं समजतोय. या धनदांडग्यांनीच तुम्हाला बळीचा बकरा केला, अशा भावना नितीन देसाई यांचे निकटवर्तीय माटवण येथील ज्येष्ठ भाऊ महाडिक यांनी केले. यावेळी नितीन देसाई यांच्या आठवणीने अनेकांना अश्रू अनावर झाले.
नितीन देसाई गेले त्याच्या आदल्या दिवशी मला ते स्टुडिओमध्ये भेटले तेव्हा मला फक्त त्यांनी मी दिल्लीला जाऊन येतो, असं म्हटलं. पण त्यांच्या चेहऱ्यावरती कधीही नैराश्य आम्हाला जाणवलं नाही. नितीन देसाई दिल्लीत कोणाला भेटले याबद्दल विचारलं असता ते एक कोर्ट केसच्या कामासाठी सूट फाइल करायला दिल्लीला गेले होते, अशी माहिती ज्येष्ठ कलाकार नितीन देसाई यांचे काका श्रीकांत देसाई यांनी दिली. नितीन देसाई यांनी सुरू केलेल्या कलेचा हा वारसा आम्ही कुटुंब पुढे नेण्याचा प्रयत्न करू, असं ते म्हणाले.
आम्हाला न्याय मिळायला हवा हीच आमची इच्छा- समीर देसाई
माझे दादा कलेसाठी जगले. कला ही त्यांच्या रक्तात होती आणि आतून कला अवगत असते, अशा प्रकारची फार थोडी माणसं असतात. माझे दादा नितीन देसाई हे ग्रेट पर्सन होते. असे नितीन देसाई पुन्हा होणे नाही. त्यांचे कलेतील योगदान हे महाराष्ट्रात, देशातच नव्हे तर अवघ्या जगात होते. आता फक्त आमची सगळ्यांची एकच इच्छा आहे की आम्हाला न्याय मिळाला पाहिजे आणि यासाठी आम्हाला मदत करणाऱ्यांचे आम्ही ऋणी राहू, अशा शब्दांत नितीन देसाई यांचे धाकटे बंधू समीर देसाई यांनी आपल्या भावना व्यक्त केल्या.