कोणत्याही पक्षाला बहुमत नाही

परभणी जिल्हा परिषदेच्या 54 जागांसाठी झालेल्या निवडणुकीमध्ये 24 जागा जिंकत भाजप हा सर्वात मोठा पक्ष ठरला होता त्या पाठोपाठ राष्ट्रवादी काँग्रेस अजित पवार गटाने 15 जागा जिंकत दुसरा क्रमांक पटकावला त्यानंतर शिवसेना उद्धव बाळासाहेब ठाकरे या पक्षाने सहा जागा जिंकल्या तर शिवसेना शिंदे गटाने पाच जागा जिंकल्या तीन जागेवर काँग्रेसला समाधान मानावे लागले आणि एक जागा ही अपक्षाने जिंकली. त्यामुळे जिल्हा परिषदेमध्ये कोणत्याही एका पक्षाला स्पष्ट बहुमत मिळाले नव्हते. त्यामुळे कोणत्याही दोन-तीन पक्षाला एकत्र येऊनच जिल्हा परिषद मध्ये सत्ता स्थापन करावी लागणार होती.Ashok Kharat : बड्या नेत्यांचं भविष्य सांगणाऱ्या अशोक खरातला अटक, महिलेवर अत्याचाराचा आरोप, पेन ड्राईव्हमध्ये 58 आक्षेपार्ह व्हिडिओ

जिल्हा परिषदेचा निकाल लागल्यानंतर परभणी जिल्ह्याच्या पालकमंत्री मेघना बोर्डीकर यांनी शिवसेना शिंदे गटाला सोबत घेऊन आम्ही जिल्हा परिषदेमध्ये सत्ता स्थापन करणार असा दावा केला होता. राष्ट्रवादी काँग्रेस अजित पवार गटाला आम्ही सत्तेत घेणार नाही असे देखील त्या म्हणाल्या होत्या त्यानंतर मात्र राष्ट्रवादी काँग्रेसचे आमदार तथा जिल्हाध्यक्ष राजेश विटेकर यांनी भाजपला वगळून काही समीकरण जुळते का याची तयारी सुरू केली. राष्ट्रवादी काँग्रेसच्या या नवीन समीकरणाला शिवसेना उद्धव बाळासाहेब ठाकरे पक्ष, शिवसेना शिंदे गट, काँग्रेस आणि अपक्ष या सर्वांनी साथ दिली. भाजपच्या विरोधात सर्वच पक्ष एकवटल्यानंतर मात्र मुख्यमंत्री देवेंद्र फडणवीस भाजप प्रदेशाध्यक्ष रवींद्र चव्हाण आणि महसूल मंत्री चंद्रशेखर बावनकुळे यांनी यामध्ये वैयक्तिक लक्ष घातले आणि काल मुंबई येथे भाजपचे प्रदेशाध्यक्ष रवींद्र चव्हाण आणि राष्ट्रवादी काँग्रेसचे प्रदेशाध्यक्ष खासदार सुनील तटकरे यांनी संयुक्त पत्रकार परिषद घेत परभणी जिल्हा परिषदेमध्ये महायुती तिन्ही पक्ष एकत्र येऊन सत्ता स्थापन करतील अशी माहिती दिली.

त्यानंतर आज परभणी जिल्हा परिषदेच्या अध्यक्ष उपाध्यक्ष पदाची निवड प्रक्रिया सुरू झाली. सकाळी दहा वाजल्यापासून उमेदवारी अर्ज दाखल करण्याची प्रक्रिया सुरू करण्यात आल्यानंतर अध्यक्षपदासाठी भाजपकडून लता वाकडे आणि उपाध्यक्ष पदासाठी राष्ट्रवादी काँग्रेस कडून श्रीकांत विटेकर या दोघांचेच एकेक अर्ज आले. अन्य कोणतेही अडचण आल्याने या दोघांची बिनविरोध निवड झाली असल्याचे आता स्पष्ट झाले आहे. त्यामुळे आता जिल्हा परिषदेमध्ये महायुती सत्तेत आली आहे. ऐनवेळी माहिती झाल्याने मात्र महाविकास आघाडीच्या शिवसेना आणि काँग्रेस या दोन्ही पक्षांना मात्र भ्रमनिराश झाला आहे कुठेतरी सत्तेची स्वप्न त्यांना लागली असतानाच ऐनवेळी महायुती एकजूट झाल्याने मात्र महाविकास आघाडीला सत्तेपासून दूर राहावे लागणार आहे.

पालकमंत्री मेघना बोर्डीकर याची बाजी

परभणी जिल्हा परिषदेचे अध्यक्षपदी भाजपच्या लता वाकळे यांची बिनविरोध निवड झाल्यानंतर पालकमंत्री मेघना बोर्डीकर यांनी बाजी मारली असल्या जादा स्पष्ट झाले आहे लता वाकळे या जिंतूर सेलू विधानसभा मतदारसंघातून येत असून सांगवी माळसा या गटामधून त्या निवडून आलेले आहेत परभणी जिल्हा परिषदेचे अध्यक्षपद हे अनुसूचित जातीसाठी सुटले होते आणि जिंतूर तालुक्यातील सांगवी म्हाळसा या गटातून निवडून आलेल्या लता विजयकुमार वाकळे या आता अध्यक्ष झाले आहेत अध्यक्षपद हे जिंतूर सेलू विधानसभा मतदारसंघांमध्ये गेल्यामुळे पालकमंत्री मेघना बोर्डीकर यांची ताकद आणखीन एकदा वाढणार आहे.

Mumbai-Pune Expressway: मुंबई-पुणे द्रुतगती महामार्गावर नवीन बोगद्याजवळ भीषण अपघात, गाडीवर कंटेनर उलटला; तिघांचा जागीच मृत्यू

उपाध्यक्षपदी राष्ट्रवादी काँग्रेसचे आमदार राजेश विटेकर यांचे बंधू श्रीकांत विटेकर यांची निवड

त्याचबरोबर जिल्हा परिषदेच्या उपाध्यक्षपदी श्रीकांत विटेकर हे राष्ट्रवादी काँग्रेसचे बिनविरोध निवडून आले आहेत श्रीकांत विटेकर हे राष्ट्रवादी काँग्रेसचे आमदार तथा जिल्हाध्यक्ष राजेश विटेकर यांचे बंधू आहेत त्यामुळे आमदार राजेश विटेकर यांची देखील ताकद आता चांगलेच वाढली आहे पाथरी विधानसभा मतदारसंघाचे नेतृत्व करणारे राजे शिवठेकर त्यांच्या भावाच्या निमित्ताने मात्र त्यांनी जिल्हा परिषदेमध्ये आपली ताकद कायम ठेवली आहे. आमदार राजेश विटेकर हे देखील पूर्वी याच परभणी जिल्हा परिषदेचे अध्यक्ष म्हणून त्यांनी काम पाहिले होते त्यामुळे जिल्हा परिषदेवरची पकड त्यांनी मात्र डेली होऊ दिली नाही आपल्या भावाच्या रूपाने त्यांनी उपाध्यक्ष पद आपल्याकडे ठेवून जिल्हा परिषदेत आपली ताकद त्यांनी पुन्हा एकदा प्रस्थापित केली आहे.