महाड तालुक्यातील दहिवड गावचा रहिवासी असणारा स्मित घाडगे हा वीस वर्षीय युवक जवळच असणाऱ्या शिवाजी वाळण कोंड येथील धबधब्यावर गावातील अन्य सात मुलांबरोबर पोहण्यासाठी गेला होता. यावेळी त्याचा मोठा भाऊ देखील त्याच्याबरोबर होता. मात्र पाण्याचा अंदाज न आल्याने या सोबत असणाऱ्या सात मुलांपैकी स्मित घाडगे या युवकाचा बुडून मृत्यू झाल्याची धक्कादायक घटना शिवाजी वाळण कोंड येथील धबधब्यावर दुपारी बाराच्या सुमारास घडली. शिवाजी वाळण कोंड येथील निर्जनस्थळी असणाऱ्या धबधब्यावर पोहायला गेलेले दहिवड गावचे हे युवक पाण्यात पोहता असताना स्मित घाडगे याचा मोठा भाऊ हा पाण्यात बुडत होता. आपल्या मोठ्या भावाला वाचवताना घाडगे याचा बुडून मृत्यू झाल्याची धक्कादायक घटना घडल्याने दहिवड गावावर शोककळा पसरली आहे.