मुंबई : राष्ट्रवादीचे ज्येष्ठ नेते तथा शरद पवार यांचे खंदे समर्थक, प्रदेशाध्यक्ष जयंत पाटील काही आमदारांसह उपमुख्यमंत्री अजित पवार यांच्या गटाला पाठिंबा देणार असल्याच्या राजकीय वर्तुळात चर्चा आहेत. जयंत पाटील यांनी पुण्यनगरीच्या दौऱ्यावर असलेल्या केंद्रीय गृहमंत्री अमित शाह यांची भेट घेतल्याचंही वृत्त आहे. तसेच पुढच्या काही दिवसांत जयंत पाटील यांचा राज्य मंत्रिमंडळात समावेश होईल, अशाही चर्चा आहेत. या सगळ्या चर्चांच्या पार्श्वभूमीवर त्यांनी पत्रकार परिषद घेऊन आपली भूमिका स्पष्ट केली आहे.
“अजित पवार यांच्या गटात जाण्यासंबंधीच्या सगळ्या बातम्या खोट्या आहेत. केंद्रीय गृहमंत्री अमित शाह यांच्याशी आज माझी कुठलीही भेट झालेली नाही. माझी त्यांच्याशी कुठलीही चर्चा झाली नाहीये”, असे सांगत राष्ट्रवादीचे प्रदेशाध्यक्ष जयंत पाटील यांनी दादा गटातल्या संभाव्य पक्षप्रवेशाच्या बातम्यांचं खंडन केलं. “मी मुंबईत आहे. शरद पवार यांना काल भेटलो, आजही सकाळी भेटलो, इंडियाच्या रणनीतीवर आमची चर्चा होतीये. मी शरद पवार यांची साथ सोडणार, या बातम्यांनी माझी करमणूक होतेय. पण या बातम्या आता थांबवा”, अशी विनंती त्यांनी प्रसारमाध्यमांना केली.
“अजित पवार यांच्या गटात जाण्यासंबंधीच्या सगळ्या बातम्या खोट्या आहेत. केंद्रीय गृहमंत्री अमित शाह यांच्याशी आज माझी कुठलीही भेट झालेली नाही. माझी त्यांच्याशी कुठलीही चर्चा झाली नाहीये”, असे सांगत राष्ट्रवादीचे प्रदेशाध्यक्ष जयंत पाटील यांनी दादा गटातल्या संभाव्य पक्षप्रवेशाच्या बातम्यांचं खंडन केलं. “मी मुंबईत आहे. शरद पवार यांना काल भेटलो, आजही सकाळी भेटलो, इंडियाच्या रणनीतीवर आमची चर्चा होतीये. मी शरद पवार यांची साथ सोडणार, या बातम्यांनी माझी करमणूक होतेय. पण या बातम्या आता थांबवा”, अशी विनंती त्यांनी प्रसारमाध्यमांना केली.
अजित पवार म्हणाले त्यांचं महाराष्ट्रावर विशेष प्रेम, शाहांच्या चेहऱ्यावर हास्य,फडणवीसांनी पुढची गोष्ट सांगितली
पण जायचं असेल तर आपल्याला सांगून जाईन, जयंत पाटलांचं सूचक वक्तव्य
“इंडियाची पुढची बैठक मुंबईत होतेय. त्यामुळे आमच्या महाविकास आघाडीच्या नेत्यांच्या बैठका सुरू आहेत. काल मी शरद पवार यांची भेट घेऊन त्यासंदर्भातच चर्चा केली. आजही सकाळी मी पवारसाहेबांना त्यांच्या निवासस्थानी जाऊन भेटलो. अल्लाउद्दीनच्या चिरागसारखं मी इथून थेट पुण्यात कसा पोहोचेन?” असा सवाल करताना अमित शाह यांच्याशी झालेल्या भेटीच्या वृत्ताचं त्यांनी खंडन केलं. मी अमित शाह यांना आज भेटलेलो नाहीये. मी कुठेही जात नाहीये. पण जायचं असेल तर आपल्याला सांगून जाईन, असं सूचक वक्तव्यही त्यांनी जाताजाता केलं. त्यावरूनही विविध कयाल लावले जातायेत.
जयंत पाटील यांनी दादा गट आणि भाजपविषयी सॉफ्ट कॉर्नर दाखवला
जयंत पाटील भुलले, काही आमदारांसह मी दादांच्या गटाला पाठिंबा देणार, या सगळ्या बातम्यांमध्ये काहीच तथ्य नाहीये. या बातम्या प्रसारमाध्यमांमध्ये होतायेत. दादांचा गट किंवा भाजप या बातम्या पसरवतंय असं मी म्हणणार नाही, असं सांगताना जयंत पाटील यांनी दादा गट आणि भाजपविषयी सॉफ्ट कॉर्नरही दाखवला.
जळगावात गुन्हेगारासोबत पोलिसांचा झिंगाट डान्स, दीड वर्षांपूर्वीचा व्हिडीओ व्हायरल होताच चर्चांना उधाण
आमचं तुमच्याकडे लक्ष आहे पण तुमचंच आमच्याकडे लक्ष नाहीये, असं म्हणत अजित पवार यांनी विधानसभेतच जयंत पाटलांना ऑफर दिली होती. त्यावर जयंत पाटील यांना पत्रकारांनी विचारलं असता ते म्हणाले, विधानसभेत बोलताना त्यांनी तसं म्हटलं असेल पण विधानसभेत असे टोले टोमणे मारले जातात, ते गमतीत घ्यायचं असतं.